მომენატრა სიყვარულზე ლექსი



მომენატრა სიყვარულზე ლექსი,
ისეთი რომ შეგიყვარდე მერე.
ისე, რომ ვთქვა, რიგითა და წესით,
ბევრი რამე სულ ამაოდ ვწერე.

მომენატრა დღეს ისეთი ლექსი,
რომ გაატანს სისხლშიცა და გულშიც...
ახლა იქნებ ჩემი აღარ გესმის,
იქნებ უფრო უკეთ ვწერდი გუშინ.

მაგრამ არა, რიგითა და წესით,
შეიფერებ რაც აქამდე ვწერე...
მომენატრა სიყვარულზე ლექსი,
ისეთი რომ შეგიყვარდე მერე.



Loading...

ტექსტის სანახავად გაიარეთ რეგისტრაცია.