არა, არაფერს
არ გთხოვთ,
ღმერთმანი,
არც ნარატივის
არ ვარ მთხრობელი,
არც გულში
დამრჩა მწარე
წყენანი,
არც სიბრალულის
არ ვარ მთხოვნელი.
ბევრი ვიღვაწე,
ბევრი ვეცადე,
გამოვუტანე თავს
განაჩენი,
მე ნაწყენი ვარ
საკუთარ თავზე,
საკუთარ თავის
შევიქმენ მტერი.
მარტოობაში
ვპოვე სიმშვიდე,
ბევრს კი ჰგონია,
ვარ უკარება,
თუნდაც არაფერს
არვინ მიშლიდეს,
გულს არაფერი
არ ეკარება.
ვიცი, რომ კვდება
იქ სიამაყე,
სადაც სიყვარულს
ოქროს ფასი აქვს,
არ ვიცი, ახლა
რა ვთქვა ამაზე,
იქნებ, მე უფრო
ეჭვიანი ვარ.
და სიამაყეს,
ისე ვუვლიდი,
თითქოს ძვირფასი
რამე განძია,
არც სიყვარული,
არც სიძულვილი,
დღეს არაფერი
არ გამაჩნია.
ნანა სელეპანოვა - აღარაფერი არ გამაჩნია
