მე გაზაფხულის სურნელად მოვალ



მე გაზაფხულის სურნელად მოვალ...
რომ, ჩამისუნთქო... დამტოვო შენში...
მე იასამნის ყვავილად მოვალ
რომ სურნელებით ვერ გაძღე ჩემით.

მე დილით ადრე მზის სხივად მოვალ
რომ შენს ოთახში დავიდო ბინა
და მზის ჩასვლასაც მე დავიჩემებ...
და მთვარის შუქიც რომ ვიყო მინდა.

მინდა ჩამოვჯდე შენს სასთუმალთან,
და შენი ძილის მესმოდეს სუნთქვა
შენი სიზმარიც მინდა რომ ვიყო,
გაიღვიძო და აგიხდე მინდა.

მე მინდა შენი სიცოცხლეც ვიყო,
ჩემი სიცოცხლე გიწოდო მინდა...
ეს ყველაფერი ვაქციო ცხადში...
მაგრამ... ვაი, რომ ეს იყო სიზმრად.



Loading...

ტექსტის სანახავად გაიარეთ რეგისტრაცია.