გახსოვს, რომ მითხარი შენ, რომ გიყვარვარო

გახსოვს, რომ მითხარი შენ, რომ გიყვარვარო,
მე ვერ შეგიყვარებ ისე გაგიჟებით?
გახსოვს? გიპასუხე, ჩემი სიყვარული,
დედამიწისტოლა დადის ნაბიჯებით.

თუმცა ეს სიდიდე სულაც არ მამძიმებს,
მზეც კი დავიტიე სულის ნაპირებზე,
მინდა ჩაგაბნიო სხივი მაგ თვალებში,
შენი სიყვარული გულში მაბიჯებდეს.

მინდა არსებობა შენი დავივიწყო,
მერე თავიდან, რომ თავი შეგაყვარო,
ისე ჩამიტიო სულში გრძნობის მძივად,
ფიქრში ნაოცნებარ ქალღმერთს შემადარო.

ისე გამალებით მინდა დაგათოვო,
ჩემი სიყვარულის წმინდა ფანტელები,
თუკი შენს თვალებში ჩემს თავს დავინახავ,
ვიცი, არასოდეს აღარ დავბერდები.