მე დღეს უშენობა მომეძალა

მე დღეს უშენობა მომეძალა,
მე დღეს მონატრების მძევალი ვარ,
შენი სიყვარული მომედარა,
შენს ფიქრს ანადევნი მწევარი ვარ.
ვინ და რა ვარ შენთვის მომინდია,
ოცნებების ჩუმი მკერავი ვარ,
გულზე გული გრძნობით მომიდია,
შენი ყვავილების მფერავი ვარ.
ცრემლი ვარ, შენ ცრემლს ანათალი,
ღიმილს დანაწური მტევანი ვარ,
მთვარე! ნაძენძ ღრუბლის განათვალი,
შენი სიზმრის ნაზი მთევარი ვარ.

აჩიკო ჯოჯიშვილი