ვის ელოდები? დაძაბული, ჩაფიქრებული

ვის ელოდები? დაძაბული, ჩაფიქრებული,
თვალს არ აშორებ ჰორიზონტს უძრავს.
ვის ელოდები? ვინ გყავს ასე მონატრებული?
შენი ზურგიც კი ლოდინით სუნთქავს.
“მობრუნდი"- მინდა დაგიძახო,
ვერ ვბედავ თუმცა...
მობრუნდი, მინდა დავინახო,
ვარდებს რად ფურცლავ...
ვის ელოდები? ვინ წაიღო ოცნება შენი? ღმერთო...
როგორი ლამაზი ხარ,
დარდიც კი გშვენის..
ვის ელოდები? გამიზიარე შენი ფიქრები,
მე გიერთგულებ, გიმეგობრებ, არ დავიღლები.
მე მოგიყვები მოლოდინის, ცრემლის არაკებს.
სასოწარკვეთილს, შენზე დარდი მალაპარაკებს...
შენ სიყვარულის გელოდება ათასი ღამე...
პირველად–პირველ სიყვარულზე მე მკითხე რამე.
ჩემი ასაკი ნუ გაშინებს, წლებია მხოლოდ,
მეც სიყვარული მელოდება, პირველად–ბოლო