მოდი გაშალე ხელის გული

მოდი გაშალე ხელის გული
სიცოცხლის ხაზი გადავთვალო,
მოდი, გვირილებს მოენატრე
დაგიწერ იქნებ გაგახარო!
შენს ლურჯ სიზმრებთან წამიყვანე
ალისფერ მზესთან ჩაგეხუტო...
მოდი,შევრიგდეთ გენაცვალე,
რომ ხვალ ისევე გამებუტო...
ისევ გაბუსხულ ტუჩებს ვკრეფდე
ცრემლებს ვიჭერდე დაუთვლელად...
გრძელ გზას ვირჩევდე შენამდის და
დაღლა შემეძლოს დაუღლელად!
მოდი გაშალე ხელის გული
ტუჩთან აისხი ღიმილები...
წამო სიცივეს გაგარიდოთ
შენ და... ის შენი გვირილები!