საკუთარი თავი მჭირს ყველაზე უფრო მეტად



საკუთარი თავი მჭირს ყველაზე უფრო მეტად,
ძველ,გადაცრეცილ წიგნს რომ კითხულობ და
ბოლოსღა აღმოაჩენ,რომ ბოლო რამდენიმე გვერდი აკლია,
ის მჭირს.
ჯერ შენი თავის უნდა გესმოდეს და გიყვარდეს,
სხვებს რომ გაუგო,
სხვები რომ მიიღო,
რომ შეიყვარო,
მე ნახევარი ჩემი თავი დავრჩი.
ყველა ემოცია,რაც მქონდა,
მოვიჩხრიკე ჯიბეები და
უკლებლივ ყველა შენ დაგახარჯე.
ბოლოს მივხვდი რომ ამოვიწურე.
დავშრი...
გავქრი.
ბოლოს მივხვდი,რომ საერთოდ არაფერში გჭირდებოდა
ჩემი სამყარო,
რომელიც ასე დაუზოგავად დაგახარჯე,
რომელიც გავფლანგეთ
მე და შენ ერთად.
წვიმს,
მე ყველა გუბეში სათითაოდ ვდგამ ფეხებს და
ვიცინი.
მე ვარ ეს,
ნახევარი ჩემი თავი ხო მაინც დავრჩი.



Loading...

ტექსტის სანახავად გაიარეთ რეგისტრაცია.