შემიყვარდით გამეტებით ქალბატონო

შემიყვარდით გამეტებით ქალბატონო,
მაპატიეთ თავხედობა დღესაც.
ჩემი წიგნის, მოხატულო კაბადონო,
ეს გრძნობები ვერ დავმალე ვერსად.

ალბათ თქვენი დაბადება სიზმარია
თორემ ახლა, ვიქნებოდით ერთად.
გაჩუქებდით, დღეს თუ რამე მიხარია
ვერ გიპონეთ, ქალბატონო ვერსად.

ხმა თუ გესმით, დამენახეთ ერთხელ
მოგაშორებთ მოწყენას და სევდას.
თქვენ უჩემოდ, ვერ მოიშლით ვერცერთს
თქვენ უჩემოდ, ისევ ივლით კენტად.

თუ არ გინდა, ცრემლიანი გნახოთ
დაგიჩოქებთ მორიდებით ფეხთან.
მე ამ წამებს, გადავაქცევ საზრდოდ
ვედრებას კი გავაგრძელებ ღმერთთან.

ოცნებაში მაინც მინდა, არ დამტოვო
მე კი სათქმელს, წაგიკითხავთ ლექსად.
ჩენმი წიგნის, მოხატულო კაბადონო
მაპატიეთ თავხედობა დღესაც...