ქალო, სირცხვილია შინ შედი



ქალო, სირცხვილია შინ შედი,
ჰაერი ურცხვად გეხება და გლოკავს.
ქალო, ეგ ღიმილი ჯოკონდასნაირი
ქუჩაში ვიღაცას მოკლავს.
ნიავი გიწეწავს ფაფუკი თმის ღერებს,
ვნებამორეული გსინჯავს.
ქალო, სირცხვილია ყელს როგორ იღერებს
მაგ სავსე გულ-მკერდში ჭინკა.
როგორ გსვამს, ეშმაკი, ურქო და უკუდო,
ბადაგით პირსავსე ფინჯანს.
ქალო, სირცხვილია, დახარე ქუთუთო,
შიშველი თვალები გიჩანს..



Loading...

ტექსტის სანახავად გაიარეთ რეგისტრაცია.