მაშინ, როდესაც აღარ ვიქნები,
მზით აივსება ბეღურის სული.
დღე დასაწყისი იქნება ღამის.
ღამე იქნება დღის დასასრული.
მაშინ, როდესაც აღარ ვიქნები,
ცხოვრებას აზრი ექნება ისევ
და ვინც შენ გამო თავს იმტვრევს კვლავაც,
კვლავინდებურად მოიტეხს კისერს.
მაშინ, როდესაც აღარ ვიქნები,
ვის განეჩინოს ეს განაჩენი _
მოოქროვილი, მოღვთაებრივო,
მოუბედურო არსება შენი
მზით აივსება ბეღურის სული.
დღე დასაწყისი იქნება ღამის.
ღამე იქნება დღის დასასრული.
მაშინ, როდესაც აღარ ვიქნები,
ცხოვრებას აზრი ექნება ისევ
და ვინც შენ გამო თავს იმტვრევს კვლავაც,
კვლავინდებურად მოიტეხს კისერს.
მაშინ, როდესაც აღარ ვიქნები,
ვის განეჩინოს ეს განაჩენი _
მოოქროვილი, მოღვთაებრივო,
მოუბედურო არსება შენი
