ჩემი სიყვარული არ არის



ჩემი სიყვარული მდინარე არ არის,
რომ გადასცურო და გახვიდე გაღმა,
ჩემი სიყვარული ზღაპარი არ არის,
რომ დაასრულო ლამაზად ახლა.
ჩემი სიყვარული ჭრილობა არ არის,
ნემსით და ძაფით არ გაიკერება,
კანონი არ არის ჩემი სიყვარული
ბრძანებით არ დაიწერება...
არც საიდუმლოა, არც დანაშაული,
არც მიმქრალ ვნებათა მხილება,
ორკესტრი არ არის ჩემი სიყვარული,
დირიჟორს არ ემორჩილება.
არაფერს ეკრძალება, არც არაფერს ზღუდავს,
მარტო ყოფილა და შენსკენ უვლია,
ჩემი სიყვარული არავის უნდა,
რადგან ის შენი სიყვარულია!



Loading...

ტექსტის სანახავად გაიარეთ რეგისტრაცია.