მაცალე გითხრა როგორ მიყვარხარ...

მაცალე გითხრა როგორ მიყვარხარ...
გულამომჯდარმა სული მოვითქვა,
მოგიყვე როგორ ცახცახებს მთვარე...
როცა სიზმრებში ჩემთან მოდიხარ.

გიამბო ჩემში როგორ ფეთქდება,
კვირტები ატმის ბატიბუტებად.
სულგანაბული ნაბიჯებს ველი
სიო კი შენზე მებუტბუტება...

ეს ერთხელ გეტყვი, გავბედავ ერთხელ
სიმორცხვე ფერმკრთალ სახეს შეღებავს,
მერე თვალებით გიამბობ მრავალს...
დანარჩენს გეტყვის ჩემი შეხება