აღარ ამტკივდე სიყვარულო

აღარ ამტკივდე სიყვარულო
თორემ სიძულვილი შემიყვარებს,
ჰო, ისე ვეღარ ვმხიარულობ,
თვალებს დავატარებ ცრემლიანებს.
აღარ წამომტკივდე გეხვეწები,
გული უმისოდაც ავად არის,
ჩვენ ხომ სიცოცხლეში ერთხელ ვკვდებით,
და ეს ტკვივილები ამად არ ღირს.
აღარ ამტკივდე და გეფიცები,
ცრემლებს ამოვაშრობ თვალებიდან,
მარტის ამინდივით შევიცვლები,
სქესით ორივენი ქალები ვართ.
მკერდში შეგინახავ საიდუმლოდ,
ჩემში ტკივილად მონათლულო,
ოღონდაც ახლა არ მიმუხთლო,
არ გამეხლიჩო ორად გულო.
მე თუ ისე აღარ ვმხიარულობ,
რა ვქნა, უამინდოდ ვერ ვიხარე...
აღარ წამომტკივდე სიყვარულო,
თორემ სიძულვილი შემიყვარებს