მაინც მიყვარხარ

ისე ჩამესმის შენი ტკბილი ხმა,
თითქოს ანგელოზს სადღაც მივყავარ...
უარის დროსაც ისე თბილი ხარ,
თუნდაც მითხარი, რომ არ გიყვარვარ...

ალბათ, საყვედურს ვერასდროს გეტყვი,
ისიც კი ვერ ვთქვი, რაც უნდა მეთქვა,
რადგან გეკუთვნის ათასჯერ მეტი,
რაც სიყვარული არსებობს ქვეყნად...

ვარდის სუნთქვა ხარ, იის ძილი ხარ,
ტუჩზე მომდგარი უფლის სიტყვა ხარ,
უარის დროსაც ისე ტკბილი ხარ,
რომ ჩუმად გეტყვი : რა ვქნა? -მიყვარხარ...

ივანე კორძაძე–ლორდი