შენი ბრალია



მინდა შეგიმკო თმები გვირგვინით,
მაგრამ შორსა ხარ ჩემგან ძალიან,
ჩემი სიცილი, ჩემი ტირილი
იცოდეს ყველამ შენი ბრალია...

ცხოვრება მიდის ნიაღვარივით
და ჩემთვის თითქოს არასცალია...
მქვია მდიდარი? მქვია ღარიბი?
მიზეზი შჰენ ხარ, შენი ბრალია.

ზოგჯერ ხელიდან ისე მეცლები,
მინდა შეგიკრა ოქროს გალია!
მე თუ ვმაღლდები, მე თუ ვეცემი,
განა არა გრძნობ, შენი ბრალია.

გადაუარეს ბაღებს ქარებმა,
და ჩემს წინ ისევ ქარიშხალია,
ჩემი სიმშვიდეც და მღელვარებაც
მხოლოდ და მხოლოდ შნი ბრალია.


ავტორი: ხუტა ბერულავა



Loading...


თეგები: 08.11.12

ტექსტის სანახავად გაიარეთ რეგისტრაცია.