მე ასეთი სიყვარული არ მითხოვია



მე ასეთი სიყვარული არ მითხოვია, ღმერთო,
ვაკაკუნებდე და არავინ მიღებდეს,
კაკუნისას ხანში კარის ქერქი მისერავდეს
და სისხლი მდიოდეს,
მწიფეს ვესროდე და მკვახე ცვიოდეს,
გზადაგზა ლპებოდეს და გამუდმებით სახეს ვიწმენდდე _
არავინ დაინახოს ჩემივე ნამოქმედარის შედეგი.
მე ასეთი სიყვარული არ მითხოვია, ღმერთო,
ვიყო კედელი, რომელსაც მხოლოდ ერთი კარი აქვს
და ისიც მისთვის, ვისაც ამ კარის იქით შეჭვრეტაც
არასოდეს არ უნატრია _
კედელი ხომ იმისთვისაა, ცერცვი აყარო
და არაფერი გიპასუხოს.












Loading...

ტექსტის სანახავად გაიარეთ რეგისტრაცია.