შენმა ჭაღარამ ნდობა აღმიძრა,
შენი თვალებიც მიყვარს მგონია,
შენი ტუჩების მოხატულობამ
მგონი მთლიანად ამრიდამრია.
შენი მკლავები მეხვევა ნაზად,
მკერდის შეხებით ვგრძნობ გულის ცემას,
რომელიც ფეთქავს და ითხოვს შველას.
შენი თითები ჩემს თმებს ეხება
და მთელი გრძნობით მიზიდავ ნელა,
შენი ხელები ჩემს სხეულს ეკვრის,
გინდა დამათრო, მავედრებ ნდობას,
მერე ტუჩები ჩემს ტუჩებს იპყრობს,
ვნებებით ცდილობ ჩემს დარწმუნებას.
ხელში აგყავარ, მეჩურჩულები:
„მე შენ მიყვარხარ და მენატრები,
და ამ სიყვარულს დღეს თუ არ მოგცემ,
ხვალ შეიძლება იყოს გვიანი“.
მხიბლავს ალერსი, სურვილი, ფიცი,
შენი სითბო და ამბორი თბილი,
მეც გკოცნი ფრთხილად და გეუბნები:
„ჩაგიფიქრე და ამისრულდი“.
ვწვებით პირისპირ, ვუმზერთ ერთმანეთს
თითქოს სამყარო წყვეტს არსებობას.
ერთი შეკრთომა და მეღვიძება,
თვალებს ვახელ და შემეშინდება...
რადგან სიზმარი, რომელიც ვნახე
რომ არ ამიხდეს რა მეშველება.
