გულის სიღრმეში..



როგორ მინდა დრო, უკან დაბრუნდეს
შენი თვალები ისევ ჩაფიქრდნენ,
ეს გულის ძგერა ისევ გავეშდეს
მაგრამ ის წლები, უკვე გაიქცნენ..

როცა ყოველი სიტყვა კვდებოდა
მე გიყურებდი, ისევ გიცქერდი,
გულის სიღრმეში მზე ინთებოდა
შენს ყოველ ღიმილს ჩუმად ვიჭერდი..

როგორც აჩრდილი, ეხლაც დაგყვები
ისევ შენს გვერდით ჩუმად ჩავივლი,
ნუთუ არ გესმის ჩემი სიტყვები
ნუთუ ცხოვრებაც ასე გაივლის..

ისევ ქარია, როგორც ჩემს გულში
ბობოქრობს ეხლაც ის ძველი სევდა,
შენი სიტყვები ისევ ჩემს სულში
ამ მოგონებებს ფერფლად აგცევდა..

როგორ მინდოდა, რომ ისევ მეთქვა
„ჩემი სულისთვის შობილხარ ქვეყნად“,
ჩემი ცხოვრების მეგზური გერქვას
სხვა რა ვინატრო.. რა მინდა ქვეყნად..

როცა ეს მზერა მე მშორდებოდა
შენი სიტყვებიც ძალას კარგავდა,
ჩემი ოცნება რატომ კვდებოდა?
ეს სიყვარულიც რატომ გაქარვდა?!

„რატომ“ ეს კითხვა მე არ მასვენებს
ეს ოცნებები რატომ დაიმსხვრა,
ეს სიყვარული დროსაც აჩერებს
ეს ყველაფერი ფიქრში აიჭრა..

დაიმსხვრა ყველა ოცნება ერთად
ყოველი სიტყვა.. ყოველი ბგერა,
აღარ მაქვს ძალა.. მე მინდა შენთან
ვიმღეროთ ისევ ძველი სიმღერა..

როცა ყოველი სიტყვა კვდებოდა
მე გიყურებდი, ისევ გიცქერდი,
გულის სიღრმეში მზე ინთებოდა
შენს ყოველ ღიმილს ჩუმად ვიჭერდი..!












Loading...

ტექსტის სანახავად გაიარეთ რეგისტრაცია.