ფეხზე მორჩილად წამოგიდგები

ფეხზე მორჩილად წამოგიდგები
შენს სადღეგრძელოს შევსვავ ამ ჭიქით
გეტყვი რომ ჩემთვის აღარარსებობს
სხვა ოცნება და ფიქრი შენს იქით
გეტყვი რომ შენხარ ჩემი ღვთაება
და შთაგონების უშრეტი წყარო
მუხლოდრეკილი შეგევედრები
ჩემს გარდა არვინ არ შეიყვარო
გეტყვი თუ როგორ მიყვარს აპრილი
და გაზაფხულის თბილი ფერები
შენი ხელები თუმცა ვიცირომ
შენ არასოდეს მომეფერები
გეტყვი რომ მიყვარს შენი თვალები
და სხივოსანი სათნო ღიმილი
რომ უშენობამ მაქცია ობლად
მიტომ დავდივარ მე მოწყენილი
გეტყვი თუ როგორ დამდევს კვალდაკვალ
მე გამჭირვალე შენი ლანდები
როდესაც მძინავს სიზმრად შენ გხედავ
მღვიძავს და მაინც შენ მელანდები
გეტყვი რომ თუნდაც ბედმა მუხთალმა
მე სამუდამოდ შენგან გამრიყოს
არ იარსებებს ჩემთვის შენს იქით
სხვა ოცნებები და სხვა სამყარო