წადი

წადი
wadi
ხედავ,
მიწას როგორ დავენარცხე,
ვნებას აყოლილი ქარტეხილი,
წადი,
წადი,უხმოდ გამეცალე,
სული დამიამე ჩატეხილი.
ნამი სალბუნივით დააფინე,
დაჭრილ ბალახებზე
მოვერცხლილი,
ღრუბლებს გაუფანტე ნისლები და
მთებზე დააგლისე მოთქვეფილი.
წადი,
მზე დაკერე ქალის ტანზე,
მოეფერე სხივით- ატეხილით,
ზეცა ხელისგულზე დაუცალე,
ღილი შეუხსენი გატეხილი.
წადი,
შეუკვეთე გაზაფხული,
მარტზე ჩამოშლილი
აპრილის თმა,
წადი..