უკიდეგანო სურვილებს ბადებს



უკიდეგანო სურვილებს ბადებს

(ukidegano survilebs badebs)


უკიდეგანო სურვილებს ბადებს
ეს მერამდენე უძილო ღამე.
თუ ეს სიშორე მუდამ თან დამდევს,
რატომღა გიცდის გული აქამდე?!

ნუთუ სულ ტანჯვა მარგუნა ღმერთმა,
ნუთუ არასდროს ჩამიკრავ გულში?!
ახლა რომ შევძლო შენამდე მოსვლა,
ჩაგჩურჩულებდი სითბოთი ყურში.

ლამაზი გრძნობის იხდება ფარდა,
რამდენი ღამე გათენდა შენთვის...
თუ ეს ცხოვრება ცოტაა მართლა,
სიკვდილის მერეც მაცოცხლებს ღმერთი.

შენს გულში მოვალ არნახულ სითბოდ,
მე და შენ –ერთნი, გავხდებით ბევრნი.
ეს სიყვარული დალოცვას ითხოვს
მხოლოდ და მხოლოდ უფალი ღმერთის.

დაილოცება ვეება მადლით,
ეს პატიება და მონატრება.
მე ისევ გელი შორიდან დაღლილს
ვეება გრძნობა ჩემში ინთება.

მას უკვდავების დასდევს ნათელი,
სხვა ამისთანა არ დადის არსად.
მე ისევ მიყვარს, მე ისევ ვეტრფი
მხოლოდ ეს გრძნობა არ მიდის არსად.

ღვთითკურთხეული ოჯახი გვიცდის,
მოულოდნელი შემთხვევის ფასად.
მე სიკვდილამდე სულ ამას ვიტყვი,
რომ მიყვარს იგი და ვეტრფი მარად.

სხვა ყველაფერი წავიდა თითქოს,
დაფარა დროის სასტიკმა ქარმა,
შენ დარჩი მხოლოდ, ხარ ერთადერთი,
მიყვარხარ – მინდა გითხრა და ვმალავ.

ღმერთი მოაწყობს სასწაულს ჩვენთვის,
მე მჯერა ამის მარად და მარად.
შენ მოხვალ ჩემთან და დასრულდება
ეს მონატრებაც, ლოდინიც – კმარა!

უკიდეგანო სურვილებს ბადებს,
ეს მერამდენე უძილო ღამე,
თუ ეს სიშორე ისევ თან დამდევს,
შენ ვიცი, კვლავაც მოხვალ ჩემამდე.

ლიკა მამულაშვილი
2007 წელი



Loading...

ტექსტის სანახავად გაიარეთ რეგისტრაცია.