შენ არ იცი რომ ზამთარშიც ყვავის ია

შენ არ იცი რომ ზამთარშიც ყვავის ია

(shen ar ici rom zamtarshic yvavis ia)

შენ არ იცი რომ ზამთარშიც ყვავის ია
ისიც გიკვირს აგვისტოში თოვლს რა უნდა?
შენ ოღონდ თქვი, შენ ოღონდაც მოისურვე
და ზაფხულში შენთან თეთრ ფიქრებად მოვალ.
ავყვავდები თებერვალში ალუბლებად,
გაზაფხულზე ყურძნის წვენსაც დაგიწურავ,
გულს დავიდებ ხელის გულზე და მოგართმევ,
სულს ავანთებ და გზას ისე დაგილოცავ....
მზე გაწუხებს? წვიმად მოვალ,
შეგცივდება? ცეცხლად მოვალ,
შენ ოღონდ თქვი, შენ ოღონდაც მოისურვე
და მე შენთვის ყვავილების თოვად მოვალ