კასპიის ზღვა - ყველაზე დიდი ტბა მსოფლიოში. სიდიდის გამო უწოდებენ ზღვას. მისი ფართობია 37,5 კმ².
მკვდარმა ზღვამ თავისი სახელი იმიტომ მიიღო, რომ მასში არ ბინადრობს არავითარი ცოცხალი არსება, ვინაიდან მის წყალში მარილის კონცენტრაცია ჩვეულებრივ ზღვის წყალთან შედარებით 10-ჯერ მეტია.
წითელი ზღვაც ლურჯი ფერისაა, მაგრამ მის ზედაპირზე ზოგჯერ ამოტივტივდებიან ხოლმე წითელი წყალმცენარეები და მაშინ ზღვის წყალს წითელი ელფერი გაჰკრავს. (წითელი ზღვა მდებარეობს ინდოეთის ოკეანის, არაბეთის ნახევარკუნძულსა და აფრიკას შორის. სუეცის არხით უკავშირდება ხმელთაშუა ზღვას, ბაბ-ელ–მანდების სრუტით – ადენის ყურესა და არაბეთის ზღვას. ფართობი შეადგენს 438,000 კმ²-ს.)
წითელი ზღვა ყველაზე თბილი ზღვაა მსოფლიოში.
არსებობს მარჯნის ზღვა, რომელმაც ეს სახელი იმის გამო მიიღო, რომ მასში უამრავი მარჯნის რიფია განლაგებული.(მარჯნის ზღვა მდებარეობს ავსტრალიის ჩრდილო-აღმოსავლეთში.)
არსებობს აგრეთვე თეთრი ზღვა. იგი ჩრდილოეთში მდებარეობს და ზამთრობით ყინულის საფარით იფარება. ამიტომაც მას თეთრი ზღვა უწოდეს.
ყვითელმა ზღვამ თავისი სახელი მიიღო მდინარე ხუანხესგან, რაც “ყვითელ მდინარეს” ნიშნავს.ამ მდინარეს ზღვაში ჩამოაქვს ძალიან ბევრი ოქროსფერი ქვიშა, რაც ზღვის წყალს ყვითელ ფერს სძენს.(ყვითელი ზღვა არის ნახევრად-შიდა ზღვა წყნარი ოკეანის აუზში, აზიის სანაპიროებთან.ეკუთვნის 3 ქვეყანას ჩინეთს, ჩრდილოეთ კორეას და სამხრეთი კორეას.ფართობია 416000 კვ.კმ.)
რატომ ჰქვია შავ ზღვას შავი, როცა მასში წყალი ლურჯი ფერისაა? საქმე იმაშია, რომ შავი ზღვის წყალი ყოველთვის ლურჯი არ არის. ზამთარში, როდესაც ცივი ქარებია, იგი იღუშება, წყლის ზედაპირი მუქ ფერ იღებს და უზარმაზარი ტყვიისფერი ტალღები გრუხუნით ეხეთქება სანაპიროს. ამიტომაც მას შავ ზღვას უწოდებენ.
მარიანის ღრმული - ყველაზე ღრმა ადგილი მსოფლიოში. მდებარეობს წყნარ ოკეანეში. მისი სიღრმე უდრის 11 022 მეტრს.
