საშობაოდ ფანჯრებში სანთლის ანთების ტრადიცია



სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ მრევლს დამდეგი შობა მიულოცა და ფანჯრებში სანთლის ანთების ტრადიცია შეახსენა. როგორც უწმინდესმა დღევანდელი საკვირაო ქადაგებისასა ბრძანა , ნათელი ქრისტესი გაანათლებს ყოველთა და ბედნიერია ადამიანი, რომელიც ამ ნათელს დაინახავს და თავის გულში შეუშვებს.

"დღეს ვანთებთ სანთელს, ვდგამთ ფანჯრებში და ვთხოვთ ყოვლადწმინდა ღვთისმშობელს და მართალ იოსებს, რომელნიც ეძებენ სასტუმროს, შემოვიდნენ ჩვენს სახლებში, საქართველოში და ჩვენთან იშვას ქრისტე. ეს არის საოცარი ტრადიცია და დღეს ამას გავაკეთებთ. გილოცავთ დამდეგ შობას და ვთხოვ უფალს, ქრისტე იშვას

ჩვენს გულებში, ჩვენს სულიერ და ფიზიკურ სამყაროში. გაგვხადოს ღირსი უფალმა, რომ ნათელმა ქრისტესმა განანათლოს ჩვენი სულიერი და ფიზიკური ბუნება", - ბრძანა უწმინდესმა.

ქადაგების დასასრულს პატრიარქმა თბილისის სასულიერო აკადემიასა და სემინარიაში ხანგრძლივი, ნაყოფიერი პედაგოგიური მოღვაწეობისათვის და საპატრიარქოს წმინდა ანდრია პირველწოდებულის სახელობის უნივერსიტეტის განვითარებაში შეტანილი სერიოზული წვლილისთვის ამავე უნივერსიტეტის რექტორი, ისტორიის მეცნიერებათა დოქტორი, პროფესორი სერგო ვარდოსანიძე საქართველოს ეკლესიის უმაღლესი ჯილდოთი, წმინდა გიორგის ოქროს ორდენით დააჯილდოვა.








Loading...

ტექსტის სანახავად გაიარეთ რეგისტრაცია.