ნარიყალა (თბილისი)
(nariyala - tbilisi)
ნარიყალა , თბილისის დედა-ციხე დღესაც ამაყად გადმოჰყურებს ქალაქს. უძველესი ციტადელის ნაშთი სოლოლაკის ქედის აღმოსავლეთ ნაწილშია შემორჩენილი. ნარიყალას ციხე თბილისის დაარსების და სატახტო ქალაქად გამოცხადების დროიდან მოყოლებული მისი ლხინისა და ვარამის მოზიარე იყო მუდამ.
,,ნარიყალა” სპარსული სიტყვაა და შიდა ციხეს ნიშნავს. მანამდე კალას სახელით ცნობილ ციხეს ნარიყალა XVIII საუკუნეში ეწოდა.
უმთავრესი სტატეგიული ობიექტის, თბილისის სიმშვიდის სადარაჯოზე მდგარი ციხის ფლობა თბილისის ფლობის ტოლფასი იყო. სხვადასხვა დროს იგი დამპყრობელთა-ბიზანტიელთა, ხაზართა, არაბთა თუ სპარსელთა ჯარებს ეკავათ.
XIII საუკუნის დასასრულს მის ფარგლებში წმ. ნიკოლოზის სახელობის ეკლესია აშენდა. მოგვიანებით, საქართველოს რუსეთის იმპერიასთან გაერთიანების შემდეგ, ტაძარში ღმრთისმსახურება გააუქმეს და მასში დენთის საწყობი განათავსეს. გადმოცემის თანახმად, ეკლესიას მეხი დაეცა, რაც ხალხის მიერ ღმრთაებრივ ნიშნად იქნა აღქმული. ნახანძრალზე 1990-იან წლებში ძველი გეგმის მიხედვით ახალი ტაძარი აშენდა, რომლის კედლებშიც XIII საუკუნის ნაგებობის ფრაგმენტებია ჩაყოლებული.
ნარიყალას ციხის კედლებზე თბილისის წარსულია აღბეჭდილი სამარადჟამოდ.
(nariyala - tbilisi)
ნარიყალა , თბილისის დედა-ციხე დღესაც ამაყად გადმოჰყურებს ქალაქს. უძველესი ციტადელის ნაშთი სოლოლაკის ქედის აღმოსავლეთ ნაწილშია შემორჩენილი. ნარიყალას ციხე თბილისის დაარსების და სატახტო ქალაქად გამოცხადების დროიდან მოყოლებული მისი ლხინისა და ვარამის მოზიარე იყო მუდამ.
,,ნარიყალა” სპარსული სიტყვაა და შიდა ციხეს ნიშნავს. მანამდე კალას სახელით ცნობილ ციხეს ნარიყალა XVIII საუკუნეში ეწოდა.
უმთავრესი სტატეგიული ობიექტის, თბილისის სიმშვიდის სადარაჯოზე მდგარი ციხის ფლობა თბილისის ფლობის ტოლფასი იყო. სხვადასხვა დროს იგი დამპყრობელთა-ბიზანტიელთა, ხაზართა, არაბთა თუ სპარსელთა ჯარებს ეკავათ.
XIII საუკუნის დასასრულს მის ფარგლებში წმ. ნიკოლოზის სახელობის ეკლესია აშენდა. მოგვიანებით, საქართველოს რუსეთის იმპერიასთან გაერთიანების შემდეგ, ტაძარში ღმრთისმსახურება გააუქმეს და მასში დენთის საწყობი განათავსეს. გადმოცემის თანახმად, ეკლესიას მეხი დაეცა, რაც ხალხის მიერ ღმრთაებრივ ნიშნად იქნა აღქმული. ნახანძრალზე 1990-იან წლებში ძველი გეგმის მიხედვით ახალი ტაძარი აშენდა, რომლის კედლებშიც XIII საუკუნის ნაგებობის ფრაგმენტებია ჩაყოლებული.
ნარიყალას ციხის კედლებზე თბილისის წარსულია აღბეჭდილი სამარადჟამოდ.
