ხელოვნების მუზეუმი (თბილისი)



ხელოვნების მუზეუმი (თბილისი)

(xelovnebis muzeumi - tbilisi)


ხელოვნების მუზეუმი. ეს გახლავთ რუსული ამპირის სტილის ნაგებობა, რომელიც 1838 წელს აშენდა და მასში ხანგრძლივი დროის განმავლობაში სასულიერო სემინარია იყო განთავსებული. მუზეუმის შემდგომი აღმავლობა მნიშვნელოვანწილად დაკავშირებულია მისი დირექტორის, აკადემიკოს შალვა ამირანაშვილის სახელთან.
2004 წლიდან შალვა ამირანაშვილის სახელობის ხელოვნების მუზეუმი საქართველოს ეროვნული მუზეუმის ნაწილია და მიმდინარე რეფორმების პირობებში კვლავაც განაგრძობს კოლექციების ექსპონირებას, კვლევასა და დაცვას.
მუზეუმის საგანძურში გამოფენილია ქართული ჭედური და ფერწერული ხატები, ტიხრული მინანქრის, საიუველირო ნაკეთობების, მხატვრული ქსოვილებისა და ნაქარგობის უნიკალური ძეგლები. მნახველთა ყურადღებას იპყრობს ძველი ქართული კედლის მხატვრობის ნიმუშები, ქართველ მხატვართა შედევრები, რუსული, ევროპული თუ აღმოსავლეთის ქვეყნების ხელოვნების ძეგლები.
მუზეუმისათვის გაწეული უდიდესი ღვაწლის გამო 1990 წელს ხელოვნების მუზეუმს შალვა ამირანაშვილის სახელი უწოდეს. მუზეუმის ფონდები 900 ათასამდე ექსპონატს ითვლის. განსაკუთრებული ადგილი ოქროს ფონდს ეთმობა.



Loading...

ტექსტის სანახავად გაიარეთ რეგისტრაცია.