ქუთაისის პირველი საჯარო სკოლა



ქუთაისის პირველი საჯარო სკოლა

(qutaisis pirveli sajaro skola)


ქალაქის ცენტრში, რუსთაველის ქუჩაზე, ნაძვებით გარშემორტყმულ შენობაში, მოთავსებულია ქუთაისის პირველი საჯარო სკოლა. ამ შენობაში მოთავსებული იყო კლასიკური გიმნაზია.

ქუთაისის კლასიკური გიმნაზია 1850 წელს გაიხსნა. კლასიკური გიმნაზიის გაუქმების შემდეგ (1918-1921 წ.წ.) შენობაში მოთავსებული იყო პირველი ვაჟთა გიმნაზია, 1921-1937 წ.წ. — პირველი საშუალო სკოლა, 1943-1954 წ.წ. — ვაჟთა პირველი საშუალო სკოლა, ხოლო 1995 წლიდან აკაკი წერეთლის სახელობის კლასიკური გიმნაზია, 2005 წლიდან — პირველი საჯარო სკოლა.

ქუთაისის კლასიკურ გიმნაზიაში აღიზარდა ბევრი გამოჩენილი მოღვაწე, რომელთა სახელები ამშვენებენ ჩვენი ხალხის კულტურის ისტორიას. საკმარისია დავასახელოთ, რომ ქუთაისის კლასიკურ გიმნაზიაში აღიზარდნენ ისეთი გამოჩენილი საზოგადო მოღვაწეები, ლიტერატურის, მეცნიერების, ხელოვნების წარმომადგენლები, როგორიცაა: აკაკი წერეთელი, ნიკო ნიკოლაძე, სერგეი მესხი, კირილე ლორთქიფანიძე, გიორგი წერეთელი, ალექსანდრე წულუკიძე, დიმიტრი ნაზარიშვილი, ნიკო მარი, იუსტინე ჯანელიძე, აკაკი შანიძე, ტიციან ტაბიძე, პაოლო იაშვილი, ვალერიან გაფრინდაშვილი, უშანგი ჩხეიძე, აკაკი ხორავა, დოდო ანთაძე და მრავალი სხვა.



Loading...

ტექსტის სანახავად გაიარეთ რეგისტრაცია.