შემწვარი ბადრიჯანი ნიგვზის წვენით ( კერძები ბოსტნეულისაგან )



მასალა:
ბადრიჯანი - 1 კილოგრამი
ზეთი - 3-4 სუფრის კოვზი
ნიგოზი - 1,5-2 ჩაის ჭიქა
ხახვი - 1-2 თავი
მწვანილი - 3-3 ძირი
ძმარი - 3-4 სუფრის კოვზი
მარილი, ნიორი, წიწაკა - გემოვნებით

მომზადების წესი:
ბადრიჯანი დავჭრათ მოგრძო თხელ ნაჭრებად, მოვაყაროთ მარილი და ცოტა ხნის შემდეგ გავწუროთ. დავაწყოთ ზეთმოსხმულ ცხელ ტაფაზე და შევწვათ.
მოვამზადოთ ნიგვზიანი წვენი: წმინდად დავნაყოთ ნიგოზი, ნიორი, ყვითელი ყვავილი, სუნელი, გამოვწუროთ ზეთი; წვრილად დავჭრათ ხახვი, რეჰანი, ქონდარი, ოხრახუში, ქინძი, ნიახური, ომბალო, კამა. ყველაფერი ეს გავხსნათ ძმარში, რომელშიც არეული იქნება 5-6 სუფრის კოვზი ადუღებული, ცივი წყალი. ამ წვენში ჩავაწყოთ შემწვარი ბადრიჯანი. ასეთი წესით გაკეთებული ბადრიჯნის სუფრაზე მიტანა უკეთესია მომზადებიდან 3-4 საათის შემდეგ.



გემრიელად მიირთვით!



Loading...

ტექსტის სანახავად გაიარეთ რეგისტრაცია.