ჩიხორის ბრძოლა ( საქართველოს ბრძოლები )

chixoris brdzola saqartvelos brdzolebi saqartvelos istoria
ჩიხორის ბრძოლა 1463, ბრძოლა ერთიანი საქართველოს მეფე გიორგი VIII-სა და მის წინააღმდეგ აჯანყებულ იმერეთის მეფე ბაგრატ VI-ს შორის. ბრძოლაში ბაგრატმა გაიმარჯვა, დაიპყრო იმერეთი, აიღო ქუთაისი და მეფედ ეკურთხა. ბრძოლა გაიმართა სოფელ ჩიხორთან.

ჩიხორი – სოფელი თერჯოლის მუნიციპალიტეტში. მდებარეობს მდინარე ძუსის მარჯვენა ნაპირზე. ზღვის დონიდან 300 მეტრი. თერჯოლიდან 12 კმ. 2002 წლის აღწერის მონაცემებით სოფელში ცხოვრობს 512 ადამიანი. სოფელში შემორჩენილია შუა საუკუნეების ნაქალაქარის ნაშთები მათ შორის ხიდი. ჩიხორის ნაქალაქარს აქტიური სავაჭრო კავშირები ჰქონდა ჭალატყის ნაქალაქართან. 1463 წელს სოფლის მიდამოებში გაიმართა ჩიხორის ბრძოლა. ვახუშტი ბატონიშვილის თანახმად:

„ზუსას მდინარის დასავლეთით, არს ჩიხორი. ქალაქი მცირე. მოსახლენი არიან იმერნი, სომეხნი, ურიანი ვაჭარნი“