გვარში გამოყენებულ ფუძეს, ნარიკა, მივყავართ საკუთარ სახელთან – ნარიმან, ნარიმანა. ეს უძველესი საკუთარი სახელია კაცის. ნარიმან წინაპრებს ირანულისგან უსესხებიათ. ნარიმან ნიშნავს „გულადს“, „მამაცს“, „ძალგულოვანს“. აქედანაა გვარები: ნარიკაშვილი, ნარიმანაშვილი, ნარიმანიძე, ნარმანია, ნარიბეგაშვილი, ნარკოკობაშვილი.
გვხვდება, ასევე, სახელები: ნარა, ნარიქ, ნარო.
ნარიკაშვილი ქართული გვარ-სახელია.
რუსულ საბუთებში ზოგჯერ გვარი ნარიკოვადაა ჩაწერილი. ასეთი ბედი ეწია, სამწუხაროდ, ქართულ გვართა გარკვეულ ნაწილს.
ნარიკაშვილს ნარეკლიშვილთან არანაირი კავშირი არ აქვს.
საქართველოში 162 ნარიკაშვილი ცხოვრობს: გორში – 112, თბილისში – 39, რუსთავში – 7. არიან სხვაგანაც.
