კარახანაშვილი – ყარახანაშვილი – კარახანოვი - Karakhanashvili-Yarakhanashvili-Karakhanovi



ბევრჯერ ვთქვით, რომ გადაკეთებულია და შეცვლილია ბევრი გვარის ფორმა, რომლებიც შვილზე იყო დაბოლოებული. ასე დაამსგავსეს ეს გვარები სომხურ გვარებს. მაგალითად, ასეთია კარახანიანი. კარახანაშვილთა (ყარახანაშვილთა) გვარს კი ქართული დაბოლოება შეუცვალეს რუსული ფორმატი ოვით და მივიღეთ კარახანოვი.

გვარის ფუძეა ქართული სიტყვა, ტერმინი, კარახანა. ფშავში „კარახანა სასმისია ერთგვარი”. ვაჟა ფშაველას „გველისმჭამელში” გვხვდება: „მთვრალმა რა გითხრათ კაცებო, ჭკუა სასმელმა დაძალა, სათქმელი მერმისთვის დარჩეს, თუკი სიკვდილმა გვაცალა... ასწია კარახანასა, გადაწურა და დაცალა”.

კარახანა ჩამოსატარებელი სასმისია პურობის დროს. წინათ აუცილებელი იყო კარახანის დალევა. დასტური ვინც იყო, ის ყველას მიუტანდა აღნიშნულ სასმისს.

დასადგენია, იყვნენ თუ არა ამ გვარის წინაპრები კარახანის ტრადიციის შემსრულებლები.

ასე რომ, კარახანოვების მამაპაპური გვარი კარახანაშვილია.

1995 წელს მიღებული ვაუჩერების მიხედვით, მათი რიცხვი 243-ია: თბილისში – 149, გარდაბანში – 33, ბოლნისში – 15. არიან სხვაგანაც.



აკადემიკოს იაკობ ახუაშვილის მიერ მოწოდებული მასალების მიხედვით



Loading...

ტექსტის სანახავად გაიარეთ რეგისტრაცია.