დარჩია - Darchia
გვარის ფუძეა საკუთარი სახელი დარჩია. ამავე ძირისაა გვარები: დარჩიაშვილი, დარჩაშვილი, დარჩიძე. დარჩიძეები სოფელია აჭარაში, შუახევის რაიონში. გვხვდება გვარი დარჩიბეგიშვილიც.
„დარჩია ზებედე ქართლის კათოლიკოსმა უწყალობა მცხეთის ბოქაულთუხუცესს ზურაბ გარეყანისძეს“ (1610 წელი).
„დარჩიას სასახლე თეიმურაზ მეფემ უწყალობა გიორგი კობაშვილს“ (1642 წელი).
საქართველოში 1 819 დარჩია ცხოვრობს: ოზურგეთში – 1 023, თბილისში – 263, ბათუმში – 180. არიან სხვაგანაც.
