გვარის ფუძეა მამაკაცის საკუთარი სახელი გოგიჩა. ეს სათავეს იღებს საკუთარი სახელიდან გოგი. ამ სახელიდანაა ნაწარმოები – გოგილა, გოგინა, გოგიტა, გოგიჩა, გოგიჭა, გოგიჯანა. მათგანაა მიღებული შესატყვისი გვარები – გოგიჯანაშვილი, გოგიჭანაშვილი და ასე შემდეგ.
გოგიჩაიშვილი გურული გვარია და გურული ფორმითაა გაფორმებული. თუმცა, გვხვდება იმერეთშიც.
„გოგიჩაიშვილებს, ფარცხანაყანევს მცხოვრებთ, ემართათ აფხაზეთის საკათალიკოსო ბეგარა: ორმოცი კოკა ღვინო, ორი თეთრი.”
საქართველოში 2 224 გოგიჩაიშვილი ცხოვრობს: თბილისში – 1 037, ლანჩხუთში – 370, ბათუმში – 196. არიან სხვაგანაც.
გოგიჩაიშვილი - Gogichaishvili
