მარსი - Marsi



(მარსის მონაცემები)
დიამეტრი ეკვატორთან: 6796 კმ
საშუალო მანძილი მზიდან: 228 მლნ კმ
ღერძის გარშემო სრული ბრუნვის დრო: 24,6 საათი
სიმკვრივე (წყალი=1) : 3,9
მზის გარშემო სრული წრის დრო: 1,88 წელიწადი
მთვარეები: 2


ჰორიზონტამდე ყველა მხარეს ცივი და მკაცრი უდაბნოა გადაჭიმული. ჟანგისფერი ზედაპირი კენჭებითაა მოფენილი, მაგრამ სიცოცხლის ნიშანწყალი არ ჩანს. ასეთი ადგილი შეიძლებოდა დედამიწაზეც ყოფილიყო, მაგრამ ეს მარსია.
მარსი მზიდან მეოთხე პლანეტაა. დაახლოებით ორ წელიწადში ერთხელ,ორი კვირის მანძილზე,ღამღამობით ცაზე მისი მოწითალო–მონარინჯისფერო ნათების დანახვა შეიძლება.მისი წითელი ფერი რკინის ოქსიდის ანუ ჟანგის სიმრავლის შედეგია. მარსი ყველაზე მეტად ჰგავს დედამიწას.მისი პოლარული ქუდები წელიწადის დროების მიხედვით იზრდება და მცირდება.იქაც არსებობს ატმოსფერო და ამინდი.ხანდახან,დილაობით,ნისლი და ღრუბლები ფარავს მთების მწვერვალებს. ძლიერი ქარები მტვრის საშინელ ქარიშხლებს იწვევს.
მარსი სიცოცხლისთვის მოსახერხებელი ადგილი ნამდვილად არ არის.ატმოსფერო ძალიან თხელია და ძირითადად ნახშირორჯანგისგან შედგება. დედამიწის ატმოსფერო 100–ჯერ უფრო სქელია. ზაფხულობით, შუადღისას, ტემპერატურამ შეიძლება 20 გრადუს ცელსიუსს მიაღწიოს, მაგრამ, ჩვეულებრივ, გაცილებით დაბალია საშუალოდ –23 გრადუს ცელსიუსი.
ასეთ გარემოში ნებისმიერი სითხე დაუყოვნებლივ აორთქლდება. მიუხედავად ამისა, მიწისქვეშა ქანებში შეიძლება ყინული იყოს, ხოლო ჩრდილოეთ პოლუსზე მუდმივად არის გაყინული წყალი. ზამთარში პოლარული ქუდები იფარება გაყინული ნახშირორჟანგით ანუ ‘‘მშრალი ყინულით’’.



Loading...

ტექსტის სანახავად გაიარეთ რეგისტრაცია.