17 მარტი გალაკტიონის გარდაცვალების დღეა. 58 წლის წინ ქართველმა პოეტმა სწორედ ამ დღეს სიცოცხლე თვითმკვლელობით დაასრულა. ამ თარიღს ეხმაურება ევროპის უნივერსიტეტის ინსტიტუტის დოქტორანტი გრიგოლ გეგელია ფეისბუკზე:
„1959 წლის 17 მარტს, ჭავჭავაძეზე თვითმკვლელობით დაასრულა სიცოცხლე 68 წლის მამაკაცმა. ჯიბეში პაპიროსი რეკორდი, სამი ასანთის კოლოფი, უბის წიგნაკი, ფანქარი და 281 მანეთი უპოვეს. 2000 წელს, მართლმადიდებელმა ეკლესიამ თვითმკვლელობის ცოდვა შეუნდო.
თვითონ ამაზე გაეღიმებოდა. იქამდეც არაერთგზის სცადა თავის მოკვლა და თვითონვე წერდა, თუ როგორ გაფრინდებოდა გაზაფხულის ერთ ლამაზ დღეს. ეს იყო აპოკალიპტური მომენტი, რომელიც ნამდვილი მგოსანის ცხოვრებას ასრულებს.
გალაკტიონი რომ გესმოდეს, მისივე აღელვებული, არაამქვეყნიური და მრისხანე ხმით უნდა გესმოდეს:
"...რომ მეფე ვარ და მგოსანი და სიმღერით ვკვდები..."
requiescat in pace, გალა!“- წერს გეგელია.
www.newposts.ge
"17 მარტს, ჭავჭავაძეზე თვითმკვლელობით დაასრულა სიცოცხლე 68 წლის მამაკაცმა"- რა მოხდა 58 წლის წინ
