მე მაინც შენში თვალები მიყვარს



შენი თვალები გავს ცის კაბადონს
ხან მოღრუბლულს და ხან კი მოწმენდილს,
ასე უეცრად დაუკითხავად
მითხარი ჩემს გულს რად შემოჩემდი.
ვიცი შენ ახლა სარკმელთან დგახარ
გარეთ წვიმაა შენ წვიმა გიყვარს
ამიტომ მოვალ დღეს შენ სარკმელთან
და გავიკეთებ ზაფხულის ნიღაბს,
თან წამოვიღებ უამრავ ყვავილს
რომ ზაფხულს ვგავდე შენთან მოფრენილს
ისევ დავუკრავთ ძველ როიალზე
ისევ კლასიკას,ისევ შოპენის.
მინდა ამაყად ვიარო მაგრამ
მე სულ თან დამსდევს ეგ შენი არა,
იქნება სულ არ ვიცოცხლო თავი
ან იქნებ შენზე ფიქრებიც კმარა.
ვიცი რომ ისევ დადგება ის დღე
ქარს გამოვატან კოცნას ალერსით
და მაშინ უკვე შენი თვალები
დაემსგავსება ხანჯალს ალესილს.
მე მაინც შენში თვალები მიყვარს
და რომ შემეძლოს მათი დაპყრობა,
ნახავდნენ როგორ შეიძლებოდა
ქალის გულისთვის ქვეყნის დამხობა.
მე მაინც შენში თვალები მიყვარს
ყველაზე ნაზი,ყველაზე წრფელი,
ბევრი ვიბრძოლეთ ერთმანეთისთვის
მოდი წავიდეთ მომხვიე ხელი,
მე მაინც შენში თვალები მიყვარს
ბობოქარი და ყველაზე წმინდა,
და ნიღაბიდან ჩემი თვალები
მას უყურებენ ვისაც მე მინდა.



Loading...


თეგები: სასიყვარულო ლექსები(love)

ტექსტის სანახავად გაიარეთ რეგისტრაცია.