გილოცავთ ფერიცვალების დღესასწაულს ! უფალი გფარავდეთ ყველგან და ყოველთვის



როგორც საქართველოს საპატრიარქოში განმარტავენ, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი, უწმიდესი და უნეტარესი ილია მეორე ფერიცვალების დღესასწაულთან დაკავშირებით საღმრთო ლიტურგიას ყოვლადწმინდა სამების საკათედრო ტაძარში აღავლენს. ფერიცვალების დღეს ტაძრებში ყურძენი და სხვა ხილი იკურთხება. ფერიცვალების დღესასწაული მარხვის დღეებს ემთხვევა, ამიტომ პატრიარქის კურთხევით დღევანდელი დღე თევზით ხსნილია.
ფერიცვალების დღესასწაული 12 უდიდეს დღესასწაულთა შორის არის. ამ დღეს თაბორის მთაზე იესო ქრისტემ სამი მოწაფის – პეტრეს, იაკობისა და იოანეს, წინაშე ფერი იცვალა და თავისი ღვთაებრივი დიდებულება აჩვენა. წმინდა სახარების მიხედვით, მაცხოვარს ზეციური დიდებით მოსილი მოსე და ილია წინასწარმეტყველი გამოეცხადნენ. ისინი უფალთან იმ ვნებისა და ტანჯვის შესახებ საუბრობდნენ, რაც მას იერუსალიმში ელოდა. მოციქულებს შემდეგ თავს ელვარე ღრუბელი დაადგა, საიდანაც ღვთის ხმა ამბობდა: „ესე არს ძე ჩემი საყუარელი, რომელი მე სათნო ვიყავ. მაგისი ისმინეთ“ (მათე XVII, 5). ხილვით შეშინებული მოწაფეები პირქვე დაემხნენ, როდესაც აიხედეს, მათ წინაშე მხოლოდ იესო იდგა. მან გააფრთხილა მომავალი მოციქულები, ეს ამბავი არავისთვის ეთქვათ, ვიდრე მკვდრეთით არ აღდგებოდა.
როგორც ცნობილია, იერუსალიმში ყოველწლიურად ხილული სამი სასწაული აღესრულება: აღდგომას – ზეციური ცეცხლის გარდამოსვლა, ნათლისღებას (19 იანვარს) – მდინარე იორდანეს უკუქცევა და 19 აგვისტოს, ფერიცვალების ღამეს – თაბორის მთაზე ღრუბლის მოსვლა.




Loading...

ტექსტის სანახავად გაიარეთ რეგისტრაცია.