პოეზია/პროზა - ლიტერატურა / მეამაყება, რომ ქართველი ვარ... https://literatura.mcvane.ge/ ru ივლიტა იკა გოლეთიანი- ქარი ქუჩაში https://literatura.mcvane.ge/main/36697-bbbbbb-bbbbbbbbb-bbbb-bbbbbeb.html https://literatura.mcvane.ge/main/36697-bbbbbb-bbbbbbbbb-bbbb-bbbbbeb.html https://literatura.mcvane.ge/main/36697-bbbbbb-bbbbbbbbb-bbbb-bbbbbeb.html Tue, 21 Jan 2020 09:55:57 +0000 native-yes ხორხიდან დახსნილ ბგერებს აგროვებს,
და ეშმათფერა ფიქრების ჩათვლით
სუყველა ვნებას ასამყაროებს !

რად გამორბიან ჩემსკენ სახლები?!
(ვერსად კი ვხედავ თუმცა მარეკებს...)
და საალერსოდ ხელებს გაშვერილს,
ფიალჯამივით დაცლილს აჩეჩებ.

თითქოს სამყარომ,დღეს ნათუხთუხარს
ნისლი მოქაფა,ცეცხლზე-თუჯივით,
უკვე გამყარა სიტყვებს მუხთლურად
და ვიშველიებ ხელებს მუნჯივით.

ქარს სახრესავით გადაკრავს ხეებს,
გააყრევინებს ვიდრემდე ნუჟრებს,
ტოტებზე წითელ ფოთლების ცეცხლიც
ალიყურივით შემოჰკრა მუხებს.

გაირბენ ჩიხებს,დაგაწევს ვიდრე,
მოგხვდება ვიდრე სამყაროს ტერფი,
მეხამრიდებად აღმართავ ფიქრებს,
მობაგიბუგობს სამყარო ფეთქვით.

რომ ბოლობოლო შეკრა კამარა,
ბოლო მოუღო თავთან თარეშებს,
ეს აფრენაა ლოცვის ამარა,
ეს გაფრენაა ფრთების გარეშე!

დღეც უნებურად უჩქარებს ნაბიჯს,
ხორხიდან დახსნილ ბგერებს აგროვებს,
და ეშმათფერა ფიქრების ჩათვლით,
სუყველა ვნებას ასამყაროებს!]]> ივლიტა გოლეთიანი -- მზე წავა მალე! https://literatura.mcvane.ge/main/literatura/poezia/35645-bbbbbb-bbbbbbbbb-bbbbb.html https://literatura.mcvane.ge/main/literatura/poezia/35645-bbbbbb-bbbbbbbbb-bbbbb.html https://literatura.mcvane.ge/main/literatura/poezia/35645-bbbbbb-bbbbbbbbb-bbbbb.html Sun, 29 Jan 2017 13:40:37 +0000 native-yes გადაფარული ფიქრების გროვით
დავეძებ ჟანგბადს!
ვართ მხოლოდ ორნი ამქვეყნად მგონი,
მე და ეს თოვლი,ეს ცივი თოვლი.

რა მოსდის სათქმელს,
გამოშრა ხორხი,
მზე გასდევს ცაზე
მუხლებზე ხოხვით
გახისხლულ დაისს!
ფიქრი აქვს რაის?!
ოცნებობს რაზე?!
მზე გასდევს დაისს,
ვერ იკრავს თასმებს,
და როგორც თოკზე
გაფენილ სარეცხს
დააშრობს ღრუბლებს,
და დააუბრებს
დღესა და ღამეს,
მზე ჩავა მალე,
მზე წავა მალე!
მზე წავა მალე!
და დაასრულებს
იმას,რაც დილით
დავიწყეთ მარტომ,
მზევ,მიხვალ რატომ?
მზევ,მიხვალ რატომ?
ცაც,როგორც ნაჭდევს
ლოყაზე ნარჩენს
შეჰყურებს მთვარეს
და სუნთქვა უჭირს,
ვიღაცამ ხელი თუ ჩაყო სულში
და ამომხაპა ტანიდან მუჭით!

მიუვალობამ
დაღალა გონი,
მიაღწევს მალე მზე
გოგვა-გოგვით
დასალიერს!
მზე! ეფარება თვალსაწიერს !]]> ჯეინ ეარი - ამონარიდი https://literatura.mcvane.ge/main/ucxouri/poezia-proza/35018-byibbb-bbbb-bbbbbbbbb.html https://literatura.mcvane.ge/main/ucxouri/poezia-proza/35018-byibbb-bbbb-bbbbbbbbb.html https://literatura.mcvane.ge/main/ucxouri/poezia-proza/35018-byibbb-bbbb-bbbbbbbbb.html Sun, 05 Jun 2016 04:25:31 +0000 native-yes "...ნუთუ ეს ჩემი ფერმკრთალი პატარა ჯადოქარია? განა ეს ის ჩემი მდოგვის თესლია? ეს პაწაწინა, პირმომცინარი, ღაწვშეფაკლული, ვარდის ფურცელივით, რომ შეჰფერია ბაგენი. აბრეშუმივით ლბილ წაბლისფერთმიანი, მოკიაფე თაფლისფერთვალა?

- ჩემ თვალში შენ ძალიან ლამაზი ხარ, ჯეინ, და ისეთი ლამაზი, როგორსაც ჩემი გული ნატრობდა - სათუთი და ჰაეროვანი.

მე ვაიძულებ მთელ ქვეყანას სცნოს შენი სილამაზე....''

ჯეინ ეარი
]]> ნიკოლოზ ქართველი - არ მესმის https://literatura.mcvane.ge/main/literatura/34628-bbbbbbb-bbbbbbbb-bb-bbbbbb.html https://literatura.mcvane.ge/main/literatura/34628-bbbbbbb-bbbbbbbb-bb-bbbbbb.html https://literatura.mcvane.ge/main/literatura/34628-bbbbbbb-bbbbbbbb-bb-bbbbbb.html Wed, 17 Feb 2016 12:14:26 +0000 native-yes არ მესმის,
სად მთავრდება ამ ცხოვრების რუტინა?
არ მესმის საიდან იწყება გაფრენა?
ოდესმე ამოძრავდება დაჟანგულ სახეებზე ლოყები,
ან
როდის გაიღიმებს ქუჩაში ნებისმიერი გამვლელი?
მე მწამს უფლის
და
ვერ ვხვდები თუ სად მიდის ჩვენი ლოცვა,
როდესაც ქუჩაში ვაგინებთ მოყვასს?.
არ ვიცი,
რამდენი ნაბიჯია
გაძლებიდან - ცხოვრებამდე,
ცხოვრებიდან - თვითმკვლელობამდე,
მაგრამ ვიცი,
თუ რატომ არის რუსთაველის ქუჩაზე
მოსიარულე ერთი გიჟი,
ყოველთვის
ან ნაღვლიანი ანდა მოცინარი.
ვერ იპოვა შუალედი ამ ცხოვრებასა
და
სიყვარულს შორის.
მაშინაც კი როცა ვერავის ამჩნევს გაღიმებულს,
მაღაზიის ვიტრინასთან მოფარებულ-ბნელ ადგილას
უყურებს თავის დაღრეჯილი სახის ანარეკლს.
მჯერა,
ისაც ჩემსავით ვერ ხვდება თუ
რა ფერია სიყვარული?
რა სუნი აქვს სიძულვილს?
სად მთავრება სიზმარი
და
იწყება ცხოვრება?!..

ნიკოლოზ ქართველი]]> ნიკოლოზ ქართველი - ყოველდღიური რეალობა https://literatura.mcvane.ge/main/literatura/34556-bbbbbbb-bbbbbbbb-bbbbbbbbbbb-bbbbbbb.html https://literatura.mcvane.ge/main/literatura/34556-bbbbbbb-bbbbbbbb-bbbbbbbbbbb-bbbbbbb.html https://literatura.mcvane.ge/main/literatura/34556-bbbbbbb-bbbbbbbb-bbbbbbbbbbb-bbbbbbb.html Wed, 27 Jan 2016 16:34:32 +0000 native-yes ჩვენ ვუძლებთ ამ ყოფას,
ყოველი დღე,
ყოველი საათი
და
ყოველი წუთი.
როდესაც უკმაყოფილოები ვართ
სხვადასხვა რამით.
დაცინვით,
გაგდებით,
საქმეში ჩარევით,
გაქონილი მორალით,
დოგმებითა და ტვინის ჭიებით,
რომელიც ჭამის ნაცვლად გვხმარობენ.
სადაც არ იციან რა არის სიმართლე,
სადაც სიმართლეს ეძებენ ჯიბის სისქით.
სადაც კლავენ ან მოსაკლავად იმეტებენ
გენიოსებსა და გიჟებს.
სადაც ცხოვრება ისე გაძვირდა,
რომ ოცნების სიიაფესაც კი აღარ ჩივის ადამიანი.
სადაც არცერთი მთავრობა არ გამოადგა ხალხს,
ჩვენ მაინც ვტყუვდებით
და
გვაქვს შემორჩენილი რაღაცის გაცრეცილი იმედი.
სადაც უბრალოდ ვცოცხლობ მე,
ვსუნთქავ,
ვლაპარაკობ,
ვწერ,
განვიცდი
და
სულაც არ მაინტერესებს თქვენი აზრი.
წერტილი.
კარგად!..

ნიკოლოზ ქართველი

]]> ❤ ♥ ❤ ♥ https://literatura.mcvane.ge/main/34457-v-v-v-v.html https://literatura.mcvane.ge/main/34457-v-v-v-v.html https://literatura.mcvane.ge/main/34457-v-v-v-v.html Fri, 08 Jan 2016 09:49:00 +0000 native-yes ჩემთან მოხვედი და სუნთქვა შემაყვარე,
მერე ამიკრძალე – "მორჩა... ბევრიაო"
ალბათ სიცოცხლესაც მალე ამიკრძალავ,
მიისაკუთრებ და მეტყვი ჩემიაო.
შენ რომ შემასწავლე ლაღი გაცინება,
ახლა ღიმილიც კი სანატრელიაო.
ცრემლმა გზა იპოვა – "ახლა მე მოვდივარ,
რაც რომ გაიცინე ეგეც ბევრიაო.
"შენ რომ შემაყვარე თბილი ჩახუტება,
გულმა მიიღო და თქვა –" რა ტკბილიაო.
სანამ შენ არ მყავდი ამ ცივ სამყაროში
არა რა მცოდნია, ფუჭად მივლიაო.
"ის, რაც კი რამ მოხდა, ყველაფერი მახსოვს,
რამის დავიწყება მხოლოდ ჭორიაო.
მიყვარს შენზე ფიქრი, მიყვარს მე თვითონ "შენ",
ერთ დროს მხლოდ ჩემი, ახლა შორიაო.
მიყვარს ეს სიშორეც, მხოლოდ იმ იმედით,
სადმე კვლავ შეგხვდები, ასე მგონიაო.
ახლა გულით ისეთ გრძნობას დავატარებ,
არასოდეს არვის რომ არ ჰქონიაო.
]]> პირველი თოვლის სიმღერა - ირაკლი აბაშიძე https://literatura.mcvane.ge/main/34456-bbbbbbb-bbbbbb-bbbbbbb-bbbbbb-bbbbebbb.html https://literatura.mcvane.ge/main/34456-bbbbbbb-bbbbbb-bbbbbbb-bbbbbb-bbbbebbb.html https://literatura.mcvane.ge/main/34456-bbbbbbb-bbbbbb-bbbbbbb-bbbbbb-bbbbebbb.html Fri, 08 Jan 2016 09:43:18 +0000 native-yes წუხელ თოვდა,
ნეტავ ჩემთან რად არ გაჩნდი,
გენახე და ძილში თბილად დაგეხურე...
მე ავდექი პირველ თოვლზე განთიადში
და ვეძებდი შენს პატარა ნაფეხურებს.
დაეყარა სახლებზე და ვერის გზაზე
თოვლი, თეთრად დასახული,
ასე თეთრად, გულუბრყვილოდ ჰყვავის ასე
იმერეთში ტყემლის ხეზე გაზაფხული.

ჰყვავის ასე,
და განთიადს მიხალისებს
ეს ზამთარიც, დეკემბერში თოვლის ხვავი,
ის თბილისის ხეივნებში კიპარისებს
იმერულად გამოასხამს ტყემლის ყვავილს.
დგას ბუცები ვერის ბაღში, შემკრთალები,
ზედ თოვლია თუ ფრიალი ფაფანაკთა?!
ანდა იქნებ ავჭალიდან თეთრ კარვებით
ადგა ჯარი და თბილისში დაბანაკდა?!

რა თოვლია!
შენობებს და ბაღში ხარდანს
ფარავს, თეთრად დასახული...
ეს პირველი თოვაც ისე გამეხარდა,
როგორც გუშინ მიხაროდა გაზაფხული.

მიხარია,
ცხელ ზაფხულის დაბრუნებაც,
წვიმაც, ქარიც, უსაქმურად დანაბერი...
ბევრი კარგი რამ სცოდნია ამ ბუნებას,
მაგრამ, კარგო, შენისთანა არაფერი!..

/ ირაკლი აბაშიძე /
]]> შანდორ პეტეფი - ვარდი ხარ?! https://literatura.mcvane.ge/main/ucxouri/poezia-proza/34370-bebbbbb-bbbbbb-bbbbb-bbb.html https://literatura.mcvane.ge/main/ucxouri/poezia-proza/34370-bebbbbb-bbbbbb-bbbbb-bbb.html https://literatura.mcvane.ge/main/ucxouri/poezia-proza/34370-bebbbbb-bbbbbb-bbbbb-bbb.html Fri, 11 Dec 2015 12:40:55 +0000 native-yes
ვარდი ხარ?!

ვარდი ხარ?! ვარდის რტოდ ვიქცე მინდა
ნამი ხარ?! ვარდად ვიქცევი უცებ,
რომ ეფრქვეოდეს ცის ნამი წმინდა,
ტრფობით ალეწილ ჩემს წითელ ფურცლებს.

ცა ხარ?! ვარსკვლავად ვიქცევი კენტად.
ჯოჯოხეთი ხარ, ჩემო ლამაზო?!
ჩავიდენ ცოდვას,ჩამოვალ შენთან,
რომ სული ჩემი შემოგთავაზო.
]]> საბავშვო ლექსები https://literatura.mcvane.ge/main/ucxouri/poezia-proza/34354-bbbbbbb.html https://literatura.mcvane.ge/main/ucxouri/poezia-proza/34354-bbbbbbb.html https://literatura.mcvane.ge/main/ucxouri/poezia-proza/34354-bbbbbbb.html Sun, 06 Dec 2015 15:54:29 +0000 native-yes
ალია, მალია, რა ლამაზი თვალია,
ათასფერად ბრჭყვიალებს, როგორც ნატვრისთვალია,
თითქოს ერთად შეყრილან იაგუნდი, ლალია,
პაწაწინა თამუნამ
ვერ მოსწყვიტა თვალია
განა მართლა თვალია,
ზურმუხტი ან ლალია,
ქორფა, მწვანე ფოთოლზე
ერთი წვეთი ცვარია...

ბესო

პაწაწინა ბესო
გაგვინაწყენესო,
ძმაბიჭებმა სათევზაოდ
არ წაიყვანესო.
ჯერ ძალიან პატარა ხარ
ასე აუხსნესო.
მერე რა, რომ პატარა ვარ
იცრემლება ბესო,
წამიყვანეთ, მეც დავიჭერ
სულ პატარა თევზსო

ხაჭაპური

ხაჭაპურებს აცხობს ბებო,
აქეთ კვერცხი,
იქით ერბო,
სათითაოდ გვიხმობს ყველას:
ჩქარა, ჩემო პაწიებო!
ყველას შეხვდა ხაჭაპური:
გიას, მზიას, დათოს, სერგოს,
ფისუნია პირს ილოკავს,
ერთი ლუკმა მასაც ერგო
]]> გაბრიელ გარსია მარკესის "ბოლო სიტყვად“ ცნობილი წერილის რეალური ავტორი და მისი ისტორია https://literatura.mcvane.ge/main/ucxouri/poezia-proza/34151-bbbbbbb-bbbbbb-bbbbbbbb-bbbb-bbbbbbbv-byebbbbbb-bbbbbbb-bbbbbbb-bbbbbb-bb-bbbb-bbbbbbb.html https://literatura.mcvane.ge/main/ucxouri/poezia-proza/34151-bbbbbbb-bbbbbb-bbbbbbbb-bbbb-bbbbbbbv-byebbbbbb-bbbbbbb-bbbbbbb-bbbbbb-bb-bbbb-bbbbbbb.html https://literatura.mcvane.ge/main/ucxouri/poezia-proza/34151-bbbbbbb-bbbbbb-bbbbbbbb-bbbb-bbbbbbbv-byebbbbbb-bbbbbbb-bbbbbbb-bbbbbb-bb-bbbb-bbbbbbb.html Wed, 14 Oct 2015 12:45:04 +0000 native-yes ალბათ ბევრი თქვენგანისთვის აუჩუყებია გული გაბრიელ გარსია მარკესის "ბოლო სიტყვად“ ცნობილ გამოსათხოვარ წერილს, რომელსაც მწერლის ერთგვარ ანდერძადაც მოიაზრებენ მისი თაყვანისმცემლები. სამწუხაროა, რომ ამ პოემას სახელი, შინაარსზე მეტად, გამოჩენილი მწერლისა და ნობელის პრემიის ლაურეატის ავტორობამ უფრო მოუპოვა.

1999 წლის ზაფხულში, როცა მარკესი ფილტვის სიმსივნეს მკურნალობდა, გავრცელდა ჭორები მისი ჯანმრთელობის მდგომარეობის გაუარესების შესახებ. 2000 წლის 29 მაისს ეს ჭორები კიდევ უფრო გაამყარა გაზეთ "La República’’-ში გამოქვეყნებულმა გამოსათხოვარმა წერილმა სახელწოდებით “La Marioneta” (ინგლისურად “The Puppet”). მწერალი თითქოს ემშვიდობებოდა საყვარელ ადამიანებს, მეგობრებს.

ამას ძალიან დიდი გამოხმაურება მოყვა, იბეჭდებოდა გაზეთების პირველ გვერდზე მწერლის ფოტოებთან ერთად, ძალიან პოპულარული გახდა ინტერნეტში.

თავად წერილი ძალიან სენტიმენტალური და მარტივი ენით ნაწერი გახლდათ, უამრავი კლიშეებით, რაც მარკესისთვის დამახასიათებელი ნამდვილად არ გახლდათ.

მალე ცნობილი გახდა, რომ სულაც არ იყო მწერლის მდგომარეობა ასეთი სავალალო და ეს პოემა სულაც არ იყო მისი შემოქმედების ნაწილი.

რეალური ავტორი მექსიკელი ჯონი ველში აღმოჩნდა, რომელსაც თავისი თოჯინა – მოფლისთვის შეუქმნია მონოლოგი. ჯონის სულაც არ მიაჩნდა თავი გენიალურ მწერლად, თუმცა მაინც გულდასაწყვეტია, როცა შენს ნაწერებზე სხვას უკრავენ ტაშს.

გაბრიელ გარსია მარკესს საჯარო განცხადება არ გაუკეთებია ამის შესახებ, თუმცა იმავე კვირაში, როცა ეს სტატია გამოქვეყნდა, გამოქვეყნდა ნამდვილად მისი დაწერილი ესსე სახელწოდებით “Shipwreck on Dry Land.”

ყველასთვის საყვარელი მწერალი გაბრიელ გარსია მარკესი 2014 წელს, 17 აპრილს, 87 წლის ასაკში გარდაიცვალა.

გთავაზობთ, მის რამდენიმე გამონათქვამს:

ღმერთს რომ კვირა დღეს არ დაესვენა, საქმის ბოლომდე მისაყვანად დრო ექნებოდა.

არა, მე მდიდარი არ ვარ, მე ვარ ღარიბი კაცი ბევრი ფულით, რაც სხვადასხვა რამ გახლავთ.

დაიმახსოვრეთ, რომ კარგ ცოლ-ქმრობაში ბედნიერება კი არა სტაბილურობაა მთავარი.

მე არ მწამს ღმერთის, თუმცა მეშინია მისი.

როცა შეყვარება არ შეგიძლია, სექსით იმშვიდებ თავს.

ყოველ ადამიანს სამი ცხოვრება აქვს: საჯარო, პირადი და საიდუმლო.

მთვარი ის კი არ არის, რაც გემართება, არამედ ის, თუ როგორ გამახსოვრედება ის, რაც დაგემართა.

ცხოვრება იდეალური მწერალია და მან ყველაზე უკეთ იცის, თუ სად უნდა დასვას თავისი ლოგიკური წერტილი.
]]>