გეოგრაფია - ლიტერატურა / მეამაყება, რომ ქართველი ვარ... https://literatura.mcvane.ge/ გეოგრაფია - ლიტერატურა / მეამაყება, რომ ქართველი ვარ... true https://literatura.mcvane.ge/main/gegographic/okeaneebi-zgvebi-mdinareebi/34883-bbbb-bbbbbbbb-bbbbbbbb-bbbbbb.html otia ოკეანეები / ზღვები / მდინარეები Tue, 03 May 2016 13:20:17 +0000

ისევ მივყვები ნაწვიმარ ქუჩებს

ისევ მივყვები ნაწვიმარ ქუჩებს
გათანგული და დარდით დაღლილი,
ჩემთვის არ დადგა მომავალი თვე
ისევ მარტია არ ჩანს აპრილი,

ბერი ჭადრებიც ისევ ტირიან
ხმელ ტოტებიდან ჩამოსდით ცრემლი,
ამას სამშობლო ხომ აღარ ჰქვია?
ეს გოლგოთაა, ეს არის გრდემლი,

ახლა ისინიც ტიტას ტირიან,
რომ მოუთხარეს ოდესღაც ფესვი,
მასზე დარდისგან შეწუხებულებს
აღარ შორდებათ თვალებზე ცრემლი,

მეც იმას ვტირი, იმ ხალხს, რომელიც
მშობლიურ მხარეს მოსწყვიტეს ერთ დროს,
იმ ხალხს, რომელიც არ შეეგუა
დამაბრუნეთო კვლავაც რომ ითხოვს.

ნეტავ ქართველებს რა დაგვემართა?
რომ ერთმანეთის დავკარგეთ ნდობა,
ნეტავ ვინ თესა ჩემს ქვეყანაში?!
ამდენი ღვარძლი, ამდენი ბოღმა!!!

ისევ მივყვები ნაწვიმარ ქუჩებს
გათანგული და დარდით დაღლილი
ჩემთვის არ დადგა მომავალი თვე
ისევ მარტია არ ჩანს აპრილი.
]]> true https://literatura.mcvane.ge/main/gegographic/mtebi-mwvervaleebi/31289-bbbbbb-bbbbbebb-bbbbbbbbbbb.html admin მთები / მწვერვალები Thu, 31 Oct 2013 02:01:39 +0000

მხოლოდ მთებშია თავისუფლება....

"მთები ღმერთის შესახებ გვასწავლიან. გეჩვენება, რომ დროის შეუჩერებელი დინება ზვირთებივით იმსხვრევა მათ ფერხთით. მთაში მარადისობის სუნთქვას გრძნობს სული. თუკი დედამიწას ბაღნარს შევადარებთ, მაშინ მთები-ეს ქვის საუცხოო ყვავილებია. ვინც ნახა და შეიგრძნო მათი სილამაზე, მისი გული კვლავ მთებისაკენ ისწრაფვის, როგორც მოგზაურის გული-სამშობლოსაკენ."

(არქიმანდრიტი რაფაელი)
]]> true https://literatura.mcvane.ge/main/gegographic/okeaneebi-zgvebi-mdinareebi/30600-bbbbbbbbbb-bbbb-bbbbbbbb-bbbbbbb-bbbbbb.html eleniko1 ოკეანეები / ზღვები / მდინარეები Sat, 17 Aug 2013 18:12:50 +0000

ადრიატიკის ზღვა (ატლანტის ოკეანის ზღვები)

ადრიატიკის, ან ადრიის ზღვა — ნახევრად ჩაკეტილი ზღვა, წარმოადგენს ხმელთაშუა ზღვის ნაწილს. მდებარეობს აპენინისა და ბალკანეთის ნახევარკუნძულებს შორის. ეკუთვნის შემდეგ ქვეყნებს: იტალია, სლოვენია, ხორვატია, ჩერნოგორია, ალბანეთი.
ფართობი-144000 კმ2, მაქსიმალური სიღრმე-1230 მ. წყლის ტემპერატურა აგვისტოში +24-26Co,ხოლო თებერვალში +7-13 Co. ზღვის მარილიანობა შეადგენს 35-38 ‰.
]]> true https://literatura.mcvane.ge/main/gegographic/okeaneebi-zgvebi-mdinareebi/30599-bbbbbbbbb-bbbb-bbbbbbbb-bbbbbbb-bbbbbb.html eleniko1 ოკეანეები / ზღვები / მდინარეები Sat, 17 Aug 2013 18:11:47 +0000

ალბორანის ზღვა (ატლანტის ოკეანის ზღვები)

ალბორანის ზღვა - ყველაზე დასავლური ზღვა ხმელთაშუა ზღვაში. იგი მდებარეობს გიბრალტარის სრუტის წინ და მისი სიგრძე დაახლოებით 400 კმ-ს აღწევს, სიგანე კი 200 კმ-ს, ალბორანის ზღვის საშუალო სიღრმე შეადგენს 1000-1500 მ, მაქსიმალური სიღრმე ზღვის აღმოსავლეთ ნაწილშია და ის შეადგენს 2000 მეტრს. ზღვის სიღრმეში არის რამდენიმე წყალქვეშა ქედი. მათგან უდიდესია ალბორანის ქედი, ის გადაჭიმულია ჩრდილოეთიდან დასავლეთის მიმართულებით, სწორედ ამ ნაწილში მდებარეობს ალბორანის პატარა ვულკანური კუნძულებიც. ქედი ზღვას ჰყოფს სამ ნაწილად: დასავლეთ, სამხრეთ და აღმოსავლეთ ალბორანად.
ზედაპირის ტემპერატურა ზამთრობით შეადგენს 15 °C, ხოლო ზაფხულობით 24 °C. მდიდარია ალბორანის ზღვის ეკოსისტემა, აქ მრავლადაა დელფინები და ზღვის კუები. ზღვის სანაპირო ზოლში განვითარებულია მეთევზეობა.
]]> true https://literatura.mcvane.ge/main/gegographic/okeaneebi-zgvebi-mdinareebi/30598-bbbbbbbb-bbbb-bbbbbbbb-bbbbbbb-bbbbbb.html eleniko1 ოკეანეები / ზღვები / მდინარეები Sat, 17 Aug 2013 18:11:06 +0000

ბალეარის ზღვა (ატლანტის ოკეანის ზღვები)

ბალეარის ზღვა მდებარეობს სამხრეთ ევროპაში. ზღვის აღმოსავლეთით არის ბალეარის კუნძულები, ხოლო დასავლეთით პირინეს ნახევარკუნძული. ფართობი 86,000 კმ², საშუალო სიღრმე 767 მ, მაქსიმუმი სიღრმე 2132 მეტრი, თებერვალში ზღვაზე საშუალო ტემპერატურა შეადგენს 12 °C, ხოლო აგვისტოში 25 °C. ბალეარის ზღვაში ჩაედინება მდინარეები: ებრო, ტურია, ხუკარი და სხვები. ზღვის სანაპირო ზოლში განვითარებულია მეთევზეობა.
ბალეარის ზღვის უდიდესი პორტები: ვალენსია, ბარსელონა, პალმა. ზღვის სანაპირო ზოლში მრავალი კურორტია.
]]> true https://literatura.mcvane.ge/main/gegographic/okeaneebi-zgvebi-mdinareebi/30597-bbbbbbbb-bbbbbbbb-bbbbbbb-bbbbbb.html eleniko1 ოკეანეები / ზღვები / მდინარეები Sat, 17 Aug 2013 18:09:52 +0000

ვადენზეე (ატლანტის ოკეანის ზღვები)

ვადენზეე (ჰოლ. Waddenzee, გერმ. Wattenmeer, დან. Vadehavet) — ჩრდილოეთის ზღვის სამხრეთ-აღმოსავლეთი რაიონი. გადაჭიმულია კონტინენტურ ევროპასა და ფრიზის კუნძულებს შორის. ზღვის ეს რაიონი საკმაოდ თავთხელია, მოიცავს მიქცევა-მოქცევის არეალებს და ვეთლენდებს. გამოირჩევა განსაკუთრებული ბიომრავალფეროვნებით. 2009 წელს, ვადენზეეს ჰოლანდიური და გერმანული ნაწილი იუნესკომ მსოფლიო მემკვიდრეობის სიაში შეიტანა.
მკვლევარ მაიკლ ჰოგანის თანახმად, ვადენზეე მსოფლიოს იმ ზღვათა რიცხვს მიეკუთვნება, რომელთა სანაპირო ზოლიც ძირითადად ადამიანების მიერაა ფორმირებული, დამბებისა და ქვაფენილების სისტემების საშუალებით. სანაპიროს გასწვრივ, ზღვა გადაჭიმულია ნიდერლანდების ქალაქ დენ-ჰელდერიდან სამხრეთ-აღმოსავლეთით, შემდეგ გერმანიის სანაპიროსთან მოიცავს დიდი მდინარეების ესტუარებს, შემდეგ კი მიემართება ჩრდილოეთისაკენ და მთავრდება დანიის ქალაქ ესბერგთან. სრული სიგრძე 500 კმ-ს შეადგენს, ხოლო ფართობი 10 000 კმ²-ს.
ზღვაში განლაგებულ კუნძულებს ვადენზეეს კუნძულებს ან ფრიზის კუნძულებს უწოდებენ. მათ შორისაა ნიდერლანდების კუთვნილი კუნძული ტექსელიც.
]]> true https://literatura.mcvane.ge/main/gegographic/okeaneebi-zgvebi-mdinareebi/30596-bbbbbb-bbbb-bbbbbbbb-bbbbbbb-bbbbbb.html eleniko1 ოკეანეები / ზღვები / მდინარეები Sat, 17 Aug 2013 18:08:50 +0000

იონიის ზღვა (ატლანტის ოკეანის ზღვები)

იონიის ზღვა მდებარეობს ხმელთაშუა ზღვის ჩრდილოეთით და ადრიატიკის ზღვის სამხრეთით. ზღვის აღმოსავლეთით მდებარეობს იტალიის რეგიონები — კალაბრია და სიცილია, აქვე მდებარეობს იტალიის ნახევარკუნძული სალენტოც. იონიის ზღვის ჩრდილო-დასავლეთით მდებარეობს ალბანეთი, ხოლო სამხრეთ-დასავლეთით — მნიშვნელოვანი კუნძულები, რომლებიც საბერძნეთს ეკუთვნის, მათგან აღსანიშნავია: კერკირა, ზაკინფი, კეფალინია, ითაკა და ლეფკასი. საბერძნეთის შემადგენლობაშივე შედის იონიის კუნძულების არქიპელაგიც. იონიის ზღვა მდებარეობს მსოფლიოში ერთ-ერთ ყველაზე აქტიური სეისმურ ზონაში.
იონიის ზღვის ფართობია - 169 ათასი კმ ², მაქსიმალური სიღრმე - 5121 მ, ეს არის ხმელთაშუა ზღვის ყველაზე ღრმა ადგილიც. თებერვალში ზღვის ტემპერატურა შეადგენს - 14 °C, ხოლო აგვისტოში 25,5 °C. მისი გეოგრაფიული კოორდინატებია:]]> true https://literatura.mcvane.ge/main/gegographic/okeaneebi-zgvebi-mdinareebi/30595-bbbbbbbb-bbbb-bbbbbbbb-bbbbbbb-bbbbbb.html eleniko1 ოკეანეები / ზღვები / მდინარეები Sat, 17 Aug 2013 18:07:52 +0000

კელტების ზღვა (ატლანტის ოკეანის ზღვები)

კელტების ზღვა (ინგლ. Celtic Sea; ირლ. An Mhuir Cheilteach; უელს. Y Môr Celtaidd; ბრეტ. Ar Mor Keltiek; ფრანგ. La Mer Celtique) მდებარეობს ატლანტის ოკეანის აღმოსავლეთით. კელტების ზღვის სანაპირო ზოლში მდებარეობს ირლანდია, ინგლისი და საფრანგეთი. წმინდა გიორგის სრუტის მეშვეობით უკავშირდება ირლანდიის ზღვას. ზღვის აღმოსავლეთით არის ბრისტოლის ყურე და ლა-მანშის სრუტე. ამ ზღვას დაერქვა ისტორიული კელტური ტომების სახელი.
ფართობი შეადგენს 45 ათას კმ²-ს, სიღრმე — 128 მეტრს. განვითარებულია ნავიგაცია და მეთევზეობა.
ძირითადი პორტებია: ბრისტოლი, ნიუპორტი, კარდიფი, ჩელსი (გაერთიანებული სამეფო) და კორკი (ირლანდია).
]]> true https://literatura.mcvane.ge/main/gegographic/okeaneebi-zgvebi-mdinareebi/30594-bbbbbbbb-bbbb-bbbbbbbb-bbbbbbb-bbbbbb.html eleniko1 ოკეანეები / ზღვები / მდინარეები Sat, 17 Aug 2013 18:06:37 +0000

ლიგურიის ზღვა (ატლანტის ოკეანის ზღვები)

ლიგურიის ზღვა (იტალ. Mar Ligure; ფრანგ. Mer Ligurienne) — ხმელთაშუა ზღვის ნაწილი კ. კორსიკის, კ. ელბის და საფრანგეთისა და იტალიის ნაპირებს შორის. ფართობი 15 ათ. კმ². სიღრმე 2,5 ათ. მეტრზე მეტი. მოქცევა ნახევარდღეღამურია. სიმაღლე — 0,3 მეტრი. უდიდესია გენუის ყურე. ლიგურიის ზღვის სანაპირო მნიშვნელოვანი საკურორტო ზოლია (იტალიისა და საფრანგეთის რივიერა). მთავარი ნავსადგურებია: გენუა, ლივორნო, სპეცია (იტალია), ნიცა (საფრანგეთი).
]]> true https://literatura.mcvane.ge/main/gegographic/okeaneebi-zgvebi-mdinareebi/30593-bbbbbb-bbbb-bbbbbbbb-bbbbbbb-bbbbbb.html eleniko1 ოკეანეები / ზღვები / მდინარეები Sat, 17 Aug 2013 18:04:12 +0000

აზოვის ზღვა (ატლანტის ოკეანის ზღვები)

აზოვის ზღვა (რუს. Азо́вское мо́ре, უკრ. Азо́вське мо́ре) შავი ზღვის ჩრდილოეთ განშტოებაა და მას ქერჩის სრუტით უკავშირდება. ჩრდილოეთით მას ესაზღვრება უკრაინა, აღმოსავლეთით რუსეთი, დასავლეთით კი ყირიმის ნახევარკუნძული.
აზოვის ზღვის წარმოქმნის თარიღად მიიჩნევა ძვ. წ. 5600 შავი ზღვის დატბორვის თეორიის მიხედვით. ამ არეალში არსებობს ნეოლითური ნამოსახლარის ნიშნები, რომელიც ამჟამად ზღვით არის დაფარული. აზოვი ანტიკურ ხანაში ცნობილი იყო სახელით მეოტიის ტბა ან ზღვა (ბერძნ. ἡ Μαιῶτης λίμνη და ლათ. Palus Maeotis).
ამჟამინდელი სახელი პოპულარული წარმოდგენით მომდინარეობს პოლოვციელი პრინცი აზუმისგან, რომელიც ამ რეგიონში მდებარე ქალაქის თავდაცვის დროს იქნა მოკლული 1067 წელს. მკვლევართა აზრით ზღვის სახელი დაკავშირებულია ქალაქ აზოვთან, ან აზაკთან, რაც თურქულად „დაბალს“ ნიშნავს, მისი მდებარეობის მითითებით.
ზღვა 340 კმ-ია სიგრძეში, 135 კმ — სიგანეში და 37 555 კმ² ფართობი უჭირავს. ზღვაში ჩამდინარე მთავარი მდინარეებია დონი და კუბანი, რაც განაპირობებს ზღვის შედარებით დაბალ მარილიანობას, ზოგიერთ ნაწილებში კი სრულ სიმტკნარეს. ეს მდინარეები ასევე დიდი რაოდენობით სილას ლექავენ აზოვში.
აზოვის ზღვის სიღრმე ყველაზე მცირეა მსოფლიოში და საშუალოდ 13 მეტრს შეადგენს. ფაქტიურად, სილის დანალექის დაგროვების ჟამს მისი საშუალო სიღრმე 1 მეტრსაც არ აღემატება, განსაკუთრებით ტაგანროგის ყურესთან. მთავარი დინება საათის ისრის საწინააღმდეგო მიმართულებისაა, ხოლო ტალღები კი დროდადრო 5 მეტრს აღწევს. ზამთარში ზღვის დიდი ნაწილი ყინულითაა დაფარული.
ზღვის მნიშვნელოვანი პორტებია ბერდიანსკი, მარიუპოლი, დონის-როსტოვი, ტაგანროგი და იეისკი. ზღვას ორი არხი უკავშირდება: ვოლგა-დონის არხი და მანიჩის არხი, რომელიც მას კასპიის ზღვასთან აკავშირებს. ზღვა აქტიურად გამოიყენება თევზჭერისთვის, ასევე გაზისა და ნავთობის მოსაპოვებლად.
ისტორიულად ზღვა მდიდარი იყო წლის ფლორითა და ფაუნით, თუმცა ზედმეტი თევზჭერისა და დაბინძურებისგან მან ბოლო დროს შესამჩნევად იკლო]]>