გოდერძი ჩოხელი - ჭეშმარიტება?!

goderdzi choxeli cheshmariteba
"ჭეშმარიტება?! ხანდახან სულის სიბნელეში ისე გაკრთება, როგორც უმთვარო ღამეებში ციცინათელა.''

გოდერძი ჩოხელი


ადამიანის სული, გაცილებით უფრო მძიმეა, ვიდრე სხეული

ადამიანის სული, გაცილებით უფრო მძიმეა, ვიდრე სხეული, იმდენად მძიმე, რომ ერთ ადამიანს მისი ტარება არ შეუძლია, ამიტომ, ვიდრე ცოცხლები ვართ, ერთმანეთს ხელი უნდა შევაშველოთ და ვეცადოთ, როგორმე უკვდავყოთ ერთმანეთის სული; თქვენ ჩემი, მე სხვისი, სხვამ სხვისი და ასე დაუსაბამოდ, რამეთუ იმ სხვისი გარდაცვალების შემდეგ არ დავობლდეთ და მარტონი არ დავრჩეთ ამ ქვეყანაზე.
ნოდარ დუმბაძე


კახა დოლიძე / ერთი მუჭა ხარ

ერთი მუჭა ხარ,
მე რომ მყოფნის, ზუსტად იმდენი ბედნიერება.
ჩუმად მიყვარხარ,
არ მბეზრდება შენი სახე, შენი ფერება.
სად გადაგმალო ?
სად შეგინახო? რომ ვერ შეძლონ შენი შეხება,
გრძნობავ ახალო,
ახალგაზრდულო შემოფეთება.
გულში გათავსებ,
შენ დასამალად არ მაქვს სხვა სახლი,
ვერ გადამავსებ,
შენს შესვლამდე, ყველასგან დავცლი.



kaxa dolidze / კახა დოლიძე ლექსები

გულში დაგმალავ,
რომ ვერავინ შეძლოს შენი შეხება.
უშენოდ არ ვარ,
მწუხრში ნაპოვნო, საკუთარო ბედნიერება...


კახა დოლიძე / შენზე ფიქრი, არასოდეს მომბეზრდება

საოცრებავ, დღემდე, შენ თუ დაგეძებდი,
გხედავ... თვალებს ცისარტყელა გადაუვლის,
შენზე ფიქრი, არასოდეს მომბეზრდება,
პაწაწინა ანგელოზო დიდი გულის.
გავამაყდი, დღეს მე შენი რჩეული ვარ
და ვრცელ მინდვრებს გაგატარებ ფრთხილად.
შენზე ფიქრით, მე მთლიანად შეკრული ვარ
ამიტომაც ვფიქრობ შენზე ხშირად.






სიხარული, ერთმანეთს რომ ვუზიარებთ,
სიყვარული ერთმანეთს რომ ვავსებთ,
მოვიპოვეთ, არ გავჩერდით, სულ ვიარეთ,
ჯილდოდ ვიღებთ, ამ მინდორში წამებს,
ეს წამები ღრუბელივით გაიზრდება,
შეგვისრუტავს, ცაში დაგვიტოვებს...
ჩვენ რომ წავალთ, ამ მინდორში სხვა იდგება
ისიც თავის უკვდავებას ჰპოვებს.


კახა დოლიძე / იმდენი ხანი გელოდებოდი

იმდენი ხანი გელოდებოდი,
თვით მოლოდინიც დავასაფლავე.
აღარ მეგონა გამოჩნდებოდი,
როცა ვარსკვლავად ამოანათე.
თითქოს დროებით შემოგიხუტე,
მომავლის იმედს არ ვიტოვებდი,
ველოდი, სხვისთა დარდთა, მეხურჯნე,
შენს დარდებს, როდის შემიგროვებდი.

კახა დოლიძე ლექსები kaxa dolidze leqsebi


კახა დოლიძე / მე სიყვარულზე,რას გეტყვი ახალს?

მე სიყვარულზე,რას გეტყვი ახალს?
,,მიყვარხარ"–ადრეც ბევრჯერ თქმულია.
ფერადი,თავად გრძნობაა ალბათ,
სიტყვები, ყველა უფერულია.

kaxa dolidze / კახა დოლიძე ლექსები


კახა დოლიძე / სად დამემალები?

სად დამემალები? ვერ დამემალები!
მე ყველგან გიპოვი, გიპოვი მაინც,
გულით დანახულს, რად უნდა თვალები?
ხარ ჩემი წელიც, საათიც, წამიც!
არ დამშორებიხარ, ხანდახან მგონია,
დროს გასულს ვაბრუნებ, ფიქრში.
მიჭირს უშენიბა....რა ბედი მქონია,
მუდმივად, რად გკარგავ ნისლში?!
ეს დამალობანა, შორეთში გასცურავს,
მეც ამის იმედით ვცოცხლობ,
ვიდრე მონატრება, ჩემსავით დაგწურავს,
ვიდრე გულს ჩამოხსნი ბოქლომს.
სად დამემალები? ვერ დამემალები!
შეგიგრძნობ, ცრემლით და სისხლით,
გულით დანახულს, არ უნდა თვალები,
მე და დრო, ამას, აგიხსნით!

*********************************
კახა დოლიძე
13.01.15.