დათო ახლოური - შენზე ოცნებით მივყვები ბილიკს

შენზე ოცნებით
მივყვები ბილიკს,
გზას მიქარგავენ
დღეს სულ იები
და მახსენებენ
შენს ლამაზ ღიმილს
და ამ ღიმილით
მესურვილები...


დათო ახლოური - სიყვარულის საღამოა


სიყვარულის საღამოა,
აღარა ღირს
შეყოვნება...
სულ არ მინდა
შორს რომ მყავდეს,
ჰოდა,
გვერდით მეყოლება.


დათო ახლოური - როცა უყვარხარ და როცა გიყვარს


თუ უყვარხარ და რჩეულს გიწოდებს,
თუ გაგაღმერთებს ქალი მხოლოდ შენ,
უნდა გიყვარდეს როგორც სიცოცხლე,
უნდა იბრძოლო მისთვის ბოლომდე.


დათო ახლოური - აღუვსებელი საწყაული ხდება საწუთრო


აღუვსებელი საწყაული ხდება საწუთრო,
ბედნიერების ძიებაში თუკი მოცდები...
როგორ გავბედავ დაგიჩემო, დაგისაკუთრო,
ისე კარგი ხარ, მეშინია შენზე ოცნების...


მორის ფოცხიშვილი - გოგლაურა

რაც გვინახავს, ვეღარ ვნახავთ,
უფსკრულებზე გვმართებს ხიდის გადება, -
„ავდგეთ ფეხზე, ვადღეგრძელოთ სწორედ ახლა,
ახლა ვინც იბადება!“

სიჭაბუკე აღმაფრენის წრიაპს იკრავს,
მწუხრი მთებზე დაშვებულა ფარდებად, -
„ავდგეთ ფეხზე, თაყვანი სცეთ ისეთ ცისკარს,
ახლა რომ ცისკარდება!“


მორის ფოცხიშვილი - აღმოჩენა

წყალს ვითხოვდი,
ცხრა მთას გადმოდიოდა,
ჩემს მკლავებში
ნაკადულად დიოდა,
სულ სტკიოდა
თურმე რაც მე მტკიოდა,
ჭრილობაზე
მეღვრებოდა იოდად...


მორის ფოცხიშვილი - დაწყობილი ცხოვრება


ნამეტანი დაწყობილი ცხოვრება
არც არავის არ არგია, ტიტე, -
ჩემი ოქროს მტევნები
ჩემივ დარდის საწნეხელში
სულ ფეხებით ვჭყლიტე...
არ ინატრო გვირგვინი და დიდება,
არც რა ტაში, ზარზეიმი, ტიტე, -
ჩვენ პატარა პალიტრა და ასპარეზი გვჭირდება,
ცარგვალივით ვარსკვლავებს რომ იტევს.
ნამეტანი დაწყობილი ცხოვრება
არც არავის უნატრია, ტიტე!


მორის ფოცხიშვილი - საკმარისია, დაიწყოს თოვა


საკმარისია, დაიწყოს თოვა,
ო, ყველაფერი ისე იწყება,
როგორც პირველი შეგრძნებით თრობა,
როგორც პირველი გამოფხიზლება.

იწყება, როგორც გზნება გზნებათა,
როგორც პირველი აზრის ძიება,
როგორც პირველი შეცოდება და
როგორც პირველი მონანიება.



მორის ფოცხიშვილი - სულ ორად ორი სიტყვისათვის

სულ ორად ორი სიტყვისათვის
დავთმობდი ახლა
და დავტოვებდი ყველაფერს უცებ.

ვიყიდდი ბილეთს, -
უკანასკნელი მატარებლით
ჩავიდოდი სოფელში მშვიდად...


მუხრან მაჭავარიანი - ღრუბლებმა მზე არ ამოუშვეს

ღრუბლებმა მზე არ ამოუშვეს
ამ დილით ცაზე,
შუაღამისას დაწყებული
გრძელდება წვიმა.
სიამოვნებით იშმუშნება
ტირიფი ნაზი
და ვაზის ფოთლებს სიხარულის
ცრემლები სცვივა.