ჰოვარდ კარტერმა ნახევრად ხუმრობით აღნიშნა

ჰოვარდ კარტერმა ნახევრად ხუმრობით აღნიშნა, რომ ამ ადამიანის ცხოვრებაში ერთადერთი მნიშვნელოვანი მოვლენა იყო ის, რომ იგი მოკვდა და იყო დასაფლავებული. ვის შესახებ იყო ეს ნათქვამი?


ეს ქვეყანა ოდესღაც საკმაოდ აგრესიული იყო

ეს ქვეყანა ოდესღაც საკმაოდ აგრესიული იყო, რაც თავის თავზე გამოსცადეს რუსეთმა და ავსტრიის იმპერიამ, და არა მარტო მათ. მაგრამ, ამის შემდეგ დიდი დრო გავიდა და ამ ქვეყანას უკვე კარგა ხანია არანაირი ომი არ უწარმოებია. ხოლო არც ისე დიდი ხნის წინ ამ ქვეყანაში დაიშალა ერთი საქვეყნოდ ცნობილი "საჯარისო" შენაერთი. რა ერქვა ამ შენაერთს?


ძველად არაბეთში ამ ტიტულით მოიხსენიებდნენ ...

ძველად არაბეთში ამ ტიტულით მოიხსენიებდნენ წარჩინებული გვარის წარმომადგენლებს, ტომის ბელადებს, ისლამის გავრცელების შემდეგ კი ასე უწოდებდნენ მუჰამედის შთამომავლებს. მაგრამ დღეს ჩვენში ეს სიტყვა გაიგივებულია სამართალდამცავ პირთან, რომელიც დიდ ბრიტანეთში სამეფო ხელისუფლების მიერ ინიშნება, ხოლო აშშ-ში მოსახლეობის მიერ ირჩევა. დაასახელეთ ეს ტიტული.


მარკ ტვენი ამბობდა ...

მარკ ტვენი ამბობდა, რომ პირველები რაიმეს იმიტომ აკეთებენ, რომ ამას ადრე აკეთებდნენ, ხოლო მეორეები რაიმეს იმტომ აკეთებენ, რომ ადრე არ გაუკეთებიათო. დაასახელეთ ის საერთო რამ, რაც ოსკარ უაილდის აზრით ყოფს ერთმანეთისგან პირველებს და მეორეებს, თუ ოსკარ უაილდი პირველებს ეკუთვნის, ხოლო მარკ ტვენი - მეორეებს.



ნიკოლოზ კოპერნიკი

ნიკოლოზ კოპერნიკი (დ. 19 თებერვალი, 1473, ქ. თორნი (პონოლურად თორუნი), დასავლეთი პრუსია — გ. 24 მაისი, 1543, ფრაუენბერგი (დღევანდელი ფრომბორკი), ერმლანდის სამთავრო) — პოლონელ-პრუსიელი ასტრონომი. კოპერნიკმა ხანგრძლივი კვლევა-ძიების შედეგად დაამტკიცა, რომ სამყაროსა და პლანეტების ცენტრი მზეა. დედამიწაც, როგორც საერთო პლანეტა, ბრუნავს მზის გარშემო. ამ აღმოჩენით საფუძველი ჩაეყარა ჰელიოცენტრულ სისტემას (ბერძნ. ‘ήλιος. „ჰელიოს“ ნიშნავს მზეს, ლათ. centrum „ცენტრუმ“ — ცენტრს).



ჟან დ’არკი

ჟან დ’არკი (Jeanne d’Arc), ორლეანელი ქალწული (ფრანგ.: la Pucelle d’Orléans)[1] (დ. 6 იანვარი, 1412, სოფ. დომრემი, ზემო მაასი — გ. 30 მაისი, 1431, რუანი), საფრანგეთის სახალხო გმირი, რომელიც ასწლიანი ომის (1337—1453) დროს 1429—1430 ხელმძღვანელობდა ფრანგი ხალხის ეროვნულ-განმათავისუფლებელ ბრძოლას ინგლისელთა წინააღმდეგ, დაიბადა გლეხის ოჯახში.


ალფრედ ბერნჰარდ ნობელი

ალფრედ ბერნჰარდ ნობელი (დ. 21 ოქტომბერი, 1833, სტოკჰოლმი, შვედეთი ― გ. 10 დეკემბერი, 1896, სან-რემო, იტალია) — ნობელის პრემიის დამფუძნებელი, შვედი ქიმიკოსი, ინჟინერი, ნოვატორი, იარაღის დამამზადებელი და დინამიტის შემქმნელი. იგი იყო ბოფორსის მეპატრონე, შეიარაღების მთავარი მწარმოებელი, რომელიც მან რკინის გადამამუშავებელი ქარხნიდან გარდაქმნა. მან ბოლო სურვილის მეშვეობით გამოიყენა საკუთარი მდგომარეობა, რათა დაენიშნა ნობელის პრემია. სინთეზური ელემენტი მის პატივსაცემად იქნა წოდებული ნობელიუმად.


ვალენტი - რომის იმპერატორი

ფლავიუს ვალენტი (დ. 328 – გ. 9 აგვისტო, 378) — აღმოსავლეთ რომის იმპერატორი 364-378 წლებში. ვალენტინიანე I-ის ძმა და თანამმართველი. 376 წელს ვალენტმა ჰუნებისაგან დევნილ ვესტგუთებს რომის პროვინცია მეზიაში დასახლების ნება დართო. მაგრამ რომის მოხელეებისაგან შევიწროებული ვესტგუთები აჯანყდნენ, ვალენტი დაიღუპა მათ წინააღმდეგ გამართულ ადრიანოპოლის ომში.


სემიუელ სტილმან ოსგუდი - ამერიკელი მხატვარი

სამუელ სტილმან ოსგუდი (დ. 9 ივნისი, 1808 – გ. 1885) იყო მე-19 საუკუნის ამერიკელი მხატვარი.

დაიბადა ნიუ-ჰეივენში (კონეკტიკუტი), ჯეიმს ოსგუდსა და ელისაბედ ბადგერთან. სწავლობდა ბოსტონში (მასაჩუსეტსი). პოეტ ფრანსის სარჯენტ ლოკთან ქორწილის შემდეგ ხელოვნების სწავლა განაგრძო სამეფო აკადემიაში (ლონდონი)


ვიქტორ პანჩენკო

ვიქტორ ვასილის ძე პანჩენკო დაიბადა 1949 წელს ქ. სამარყანდში (უზბეკეთი). 1970 წელს დაამთავრა ტაშკენტის პ. ბენკოვის სახ. სამხატვრო სკოლა (ფერწერის განხრით), 1975 წელს – ტაშკენტის კონსერვატორია (სადირიჟორო ფაკულტეტი). 30 წელია რაც მხატვრობას მისდევს. თავის სურათებში ცდილობს მოახდინოს ორი საწყისის – მარადიულისა და წამიერის შერწყმა. სურათების სიუჟეტი წარმოადგენს გამოგონილისა და განცდილის ასოციაციათა ნაერთს.