დამიჯერე

damijere leqsebi poezia
დამიჯერე შენზე ტირის ჩემი გული,
შენი ჩემთან ყოფნა არის სიხარული.
შენ არ გესმის რაა ჩემთვის სიყვარული,
ასე მწარედ რატომავარ დატანჯული.

რატომ მტანჯავ,ნუთუ რამე დაგიშავე?
მე საბრალოს თეთრ ცხოვრებას რად მიშავებ?
მოდი ერთხელ მოინდომე გამახარო,
სიგიჟისგან აცრემლილი დამაწყნარო.

იმას ვნატრობ გულზე ვარდი დამაყარო,
იქნებ მაშინ დამიტირო მიყვარხარო.
ეს სიტყვები რომ ჩამესმას სამარეში,
წამოვდგები და ჩაგხედავ მაგ თვალებში.


მე მჯერა მოვა ბედნიერება

me mjera mova bedniereba leqsebi poezia
მე მჯერა მოვა ბედნიერება,
ჩამიკრავს გულში მოლოდინით უზომოდ დაღლილს,
გამინადგურებს მარტოობის ყოველგვარ სამხილს…
კვლავ დამიბრუნებს რწმენას ოცნების და ხედვას მხატვრის,
გულს აათრთოლებს ბედნიერად ყინულებს მიღმა,
მე მჯერა მოვა ბედნიერება,
კვლავ მაიძულებს გაღიმებას, შეგრძნებას ნატვრის,
დამამშვიდებელს მე მეტყვის სიტყვას…
გააფერადებს ქვეყნიერებას…
წამოაყენებს სულს – დაცემულს ხელახლა ფეხზე…
და ნაირფერი საღებავით შემილამაზებს
ნაცრისფერ დღეებს,
მე მჯერა მოვა ბედნიერება!
და აღარასდროს ასე უგულოდ არ მიმატოვებს.
ნაზი ალერსით დამიამებს ჭრილობებს სულში,
მე მჯერა მოვა ბედნიერება
და მიუხურავს სამუდამოდ კარს სიმარტოვეს,
ეკლების ნაცვლად ააყვავებს ყვავილებს ნუშის…
კვლავ შემაყვარებს ქვეყნიერებას,
გადამავიწყებს რაც იყო გუშინ……
მე მჯერა მოვა ბედნიერება!!


ქალბატონი

qalbatono leqsebi poezia
თქვენთვის არ უთქვამთ ქალბატონო

რომ გავხართ აპრილს,

რომ გაზაფხულმა

ღია

რძისფერ ნისლში გარწიათ,

კარგა ხანია, მყვირალობა დაიწყო მთაში

და

ამიტომაც შვლებიანი კაბა გაცვიათ…

არც ის არ უთქვამთ?

რომ თქვენა ხართ

აპრილის ქარი,

ნაფერები და ღიმილივით ოდნავ დამთბარი…

ო, ქალბატონო,

მე

ნამდვილად ვაღმერთებ აპრილს

თუ ნებას დამრთავთ,

მე ვიქნები თქვენი ზამთარი.


ვის არ უყვარდა

vis ar uyvarda leqsebi poezia
ვის არ უყვარდა . . .
ვინ არ ჩაკარგულა გრძნობათა მორევში,
არ შეკუმშვია გული ტკივილით
და მონატრებით, უხმო კივილით.

ვის არ უყვარდა . . .
შარბათით სავსე ტრფობის ბარძიმი
და სიტკბოება მძაფრად განცდილი,
კვლავ აღმაფრენა ცუდად დაცდილი.

ვის არ უყვარდა . . .
მოწმედ არიან გაზაფხულები,
ყვავილთ სურნელნი და ხეივნები,
კიდევ ქუჩები, ქვაფენილები . . .

ვის არ უყვარდა . . .
ჩურჩულებს ქარი და ნაზად არწევს
სასაფლაოზე კვირტიან ტოტებს,
თეთრ მარმარილოს მიაყრის გრძნობებს
შავ მარმარილოს მოსტაცებს ფოთლებს.

ვის არ უყვარდა?! – კითხულობს მთვარე,
ვის არ უყვარდა?! – კეკლუცობს ღამე . . .

უტყვი გასროლა შეაკრთობს ალვებს!!!
ბეღურებს ვჩუქნი მე ტრფობის ამბებს.


ლამაზი დილის მეპატრონევ

lamazi dilis mepatronev leqsebi poezia
ლამაზი დილის მეპატრონევ,
დილაზე ლამაზო ქალბატონო!
არ გინდათ, რითმაზე გაბრაზებულს,
მეც გყავდეთ მოსავლელ-საპატრონო?
არც ყავას მოვითხოვ ალიონზე,
არც ჩაის არა ვსვამ უთენია.
მეც ვატყობ, მაგ თვალებს, სადილაოს,
ჩემსავით უკუნი უთევია!
ტრაბახი მომინდა, უპატრონო!
დილაზე ლამაზო ქალბატონო!
რომ თქვენ, ცის ნამზე შეყვარებულს -
მეც გყავართ ლექსივით საპატრონო.


საათის ისრებს მიჰყვება ღამე

saatis isrebs mihyveba game leqsebi poezia
საათის ისრებს მიჰყვება ღამე,
ნელა თენდება-იძინებს მთვარე,
მე ჩუმად ვუსმენ წარმავალ წამებს
და წარსულს ვატან მიმავალ ღამეს..
ფიქრი შეჩერდა-საათიც დუმდა,
თითქოს რაღაცის გაგება მსურდა,
ვინ იცის იქნებ არც თენდებოდა,
ეს დრო,ეს წამი არ ჩერდებოდა…
იქნებ ბოლოჯერ ვუყურებ მთვარეს,
და ვეღარასდროს შევხვდები ღამეს,
ან იქნებ გული სულ სხვას ფიქრობდა,
დრო არ იცდიდა,სადღაც მიჰქროდა,
შიშმა შემიბყრო,გული ათრთოლდა,
უკანასკნელ წამს სულ შენ გნატრობდა..
შენ არ გამოჩნდი (მემალებოდი)
მეკი უზომოდ მენატრებოდი,
ჩუმად მიმზერდი,ნაბიჯს არ დგამდი,
რაღაც საოცარ არსებას ჰგავდი..
მოახლოების სურვილი მკლავდა,
ირგვლივ ბუნება სამოთხეს ჰგავდა,
მინდოდა წამით ჩაგხუტებოდა,
მაგრამ ვიცოდი -გაბრუნდებოდი…
ჯიუტად იდექ,მეკი გნატრობდი,
შენსკენ მოვდივარ-მომიახლოვდი.


იგავი ბედნიერებაზე

igavi bednierebaze sibrdzne sibrdznis simponia იგავი სიბრძნე საინტერესო საკითხავი brdznuli azrebi
ერთხელ ბედნიერება ტყეში მოდიოდა და უეცრად ის ღრმა ორმოში ჩავარდა. ბევრჯერ სცადა ბედნიერებამ ორმოდან თავისით ამოსვლა, მაგრამ ორმო იმდენად ღრმა იყო, რომ ვერაფრით ვერ ამოვიდა. ზის ბედნიერება ორმოში და ტირის. ცოტა ხანში, ორმოს ადამიანმა ჩაუარა, ბედნიერებამ გაიგო ადამიანი ხმა და ორმოდან დაუძახა:


"კეთილო ადამიანო, ძალიან გთხოვ დამეხმარე და ამომიყვანე ამ ორმოდან".

"სანაცვლოდ რას გამიკეთებ?" – ჰკითხა ადამიანმა

"რა გინდა რომ გაგიკეთო?" – შეუბრუნა კითხვა ბედნიერებამ

"მე მინდა დიდი, ლამაზი და ყველაზე ძვირადღირებული სახლი ზღვის პირას" – მიუგო ადამიანმა

მისცა ბედნიერებამ ადამიანს სახლი, ადამიანს გაუხარდა და გაიქცა თავის სახლისაკენ, ხოლო ბედნიერების შესახებ კი დაავიწყდა.

ზის ბედნიერება ორმოში და ტირის უფრო ხმამაღლა.

ცოტა ხანში კი მეორე ადამიანმაც ჩაიარა. გაიგონა ბედნიერებამ ადამიანი ხმა და ორმოდან შესძახა:

"კეთილო ადამიანო, ძალიან გთხოვ დამეხმარე და ამომიყვანე ამ ორმოდან".

"სანაცვლოდ რას გამიკეთებ?" – ჰკითხა ადამიანმა

"რა გინდა რომ გაგიკეთო?" – შეუბრუნა კითხვა ბედნიერებამ

"მე მინდა, რომ მყავდეს სხვადასხვა მარკის ბევრი ლამაზი და ძვირფასი ავტომანქანა" – მიუგო ადამიანმა.

მისცა ბედნიერებამ ადამიანს ყველაფერი, რაც მან ითხოვა. ისე გაეხარდა ადამიანს, რომ სულ გადაავიწტდა ბედნიერების შესახებ და გაიქცა.

ბედნიერებამ საერთოდ დაკარგა იმედი.

ცოტა ხანში ბედნიერებას კვლავ შემოესმა ადამიანის ფეხის ხმა და შესძახა:

"კეთილო ადამიანო, ძალიან გთხოვ დამეხმარე და ამომიყვანე ამ ორმოდან".

ამოიყვანა ადამიანმა ბედნიერება ორმოდან და განაგრძო გზა. ბედნიერებას ძალიან გაეხარდა, გაეკიდა მას და ეკითხება:

"ადამიანო! რა გსურს რომ გაგიკეთო ჩემი დახმარების სანაცვლოდ?"

"მე არაფერი არ მინდა" – უპასუხა ადამიანმა.

აი ასე აედევნა ბედნიერება ამ ადამიანს უკან და არასოდეს არ მოშორებია გვერდიდან!


წინასწარმეტყველი ყვავი - იგავი

winaswarmetyveli yvavi igavi sibrdzne sibrdznis simponia იგავი სიბრძნე საინტერესო საკითხავი brdznuli azrebi
გამურულ ყვავს სადღაც წინასწარმეტყველება ესწავლა და ახლა თავგამოდებით დაყრანტალებდა, ხვალ მზე არ ამოვა, არ ამოვაო, ვაო, ვაო. არაო. მეორე დღეს მზე ისევ ამოვიდა. თქვენო, არ იცითო, ერთი ხვალე, ვითარცა ათასი ხვალეო. რა დააცხრობდა. ისევ წინასწარყრანტალებდა. ხვალეო. ხვალეო. დილას ხომ გათენებას არ აცლიდა და საღამომდე არც თვითონ ისვენებდა, მის საფქვავს ეყარა და ფქვავდა. რა ენაღვლებოდა. საქმედ ეს გაეხადა და ყველას შიშის ზარსა სცემდა.
ასე შიშში ცხოვრობდნენ იმ ქვეყანაში. ყვავს უსმენდნენ _ წინასწარმეტყველებსო.


ძალა და აღმართი - იგავი

dzala da agmarti igavi sibrdzne sibrdznis simponia იგავი სიბრძნე საინტერესო საკითხავი brdznuli azrebi
ძალა აღმართს მიადგა. ხვნა დაუწყო.
აღმართი დუმდა და ფიქრობდა.
კარგად ვიცი, რა ვაჟკაციცა ბრძანდები, შენი აღმა ხნული ბევრი მინახავს, მაგრამ იმ ნახნავზე მოწეული მოსავალი კი არაო.


სასამართლოში - იგავი

sasamartloshi igavi sibrdzne sibrdznis simponia იგავი სიბრძნე საინტერესო საკითხავი brdznuli azrebi
ვირები დასხდნენ. თქმა როგორ არ უნდა?! ვირულად.
ლომებიც. ვიღაცას შეიძლება გაუკვირდეს კიდეც. ლომურად.
მგლებიც ჩამოყუნცდნენ. ყველამ არ იცის. მგლურად.
ნაფიცი მსაჯულები დაირქვეს.
ვინ შეედავებოდა?!
მაიმუნები ვერ ისვენებდნენ. მოწმეებად იყვნენ მოწვეული.
ხან აღმა ეკიდნენ და ხან _ დაღმა.
თავდაყირა თქმულ სიმართლესაც დაეჯერებაო.
მოსამართლე ამბობდა.
მაიმუნიაო, გაიფიქრებდი. ვერ იტყოდი.
ვისა სჯიდნენ, რასა სჯიდნენ, ეგ მე არ ვიცი.