taflisferi shavi tvalebi daxasiateba tvalebis feris mixedvit
ასეთი თვალების მქონე ადამიანები აქტიურები, ვნებიანები, იმპულსურები, ენერგიულები, აზარტულები, თავიანები და ინიციატორები არიან. მათ არ შეუძლიათ ერთ ადგილზე ჯდომა, გამუდმებით სიმაღლეების დაპყრობა სჭირდებათ. ისინი ძალაუფლებიანები და ბუნებით ლიდერები არიან. აქვთ მხურვალე ტემპერამენტი, არიან სექსუალურები და მგრძნობიარეები. გამოირჩევიან მიმზიდველობით, სითბოს ასხივებენ. ადამიანების მოხიბვლის უნარი აქვთ. გიჟდებიან ყურადღების ცენტრში ყოფნაზე, ამ ტიპის ადამიანების უმეტესობისთვის ეს ბუნებრივი მოვლენაა. მათთვის მნიშვნელოვანია ყველაფერში პირველები იყვნენ. მაგრამ ამისთვის გამუდმებულ მოწონებასაც მოითხოვენ. სხვა შემთხვევაში აბა რისთვის მიისწრაფიან წინ, თუ ეს ყველაფერი არ იქნა აღიარებული?! თაფლისფერ-შავთვალებიანი ადამიანები გამოირჩევიან კონფლიქტურობითა და სიფიცხით. მათგან ზოგი აგრესიულიცაა. ყველაზე ხშირად წყენას ადვილად ივიწყებენ. საკუთარ თავში დარწმუნებულები, გაბედულები, უშიშრები, გონებამახვილები, მოსიყვარულეები და გულღიები არიან. ადვილად შედიან ადამიანებთან კონტაქტში. ხალხს სხვადასხვაგვარად ეპყრობიან _ ვინც უყვართ, იმას გაუმართლა, ვისაც ვერ იტანენ იმისი კი ნუ შეგშურდებათ. რაც უფრო მუქია თვალის ფერი, მით უფრო გამოკვეთილია ადამიანში ყველა ეს თვისება.