საით მიდის გზა?

საით მიდის გზა? (ლალის)
sait midis gza
ბილიკებს მივყვებით ცალცალკე,
ვიცით,რომ გზებია მრავალი,
ვიცი,რომ ცრემლები დავმალეთ,
ან იქნებ დაგვმალეს-პირიქით...

შენ უკვე ბევრ გზაზე იარე,
მე ცოტა ნაკლები შენზე და
ახლა სულერთია სად არის,
ჩვენი დაგეგმილი შეხვედრა...

კითხვებზე მპასუხობ კითხვებით,
პასუხებს არ ვეძებ არასდროს,
ახლა სულ ცოტათი მჭირდები,
მინდა რომ ფიქრები გაგანდო...

იმაზე მეტადაც ვიღლები,
ვიდრე დაღლილობა მეტყობა,
მაინც არ მბეზრდება სიტყვებით
ჩვენი ეს თავხედი გართობა...

გუშინ შეგეკითხე ეს გზები,
საით მიდიოდნენ ცალცალკე,
და ახლა სიტყვებით გნებდები...
და დღეს სურვილებიც გაგანდე...

ალბათ დასრულდება ყველა გზა,
ალბათ დავიღლებით ყველაფრით,
მაინც ვიფიქრე,რომ გვეცადა...
გზების შეკვეცა ან პირიქით...


სინათლის გზაზე...

სინათლის გზაზე...

sinatlis gzaze


მძიმედ ხარ,აპირებ გაფრენას ზეცაში..
აპირებ როგორმე დაძლიო გრძნობები,
ისეთი განცდა გაქვს,რომ კარგავ ერთ წამში
ყველაფერს რაც ახლა ამ სახლში დატოვე:
ოთახი,რომელიც გახსენებს ბავშვობას,
წიგნები,რომელთაც ვერასდროს კითხულობ,
ალბომი,რომელიც გიფუჭებს განწყობას,
მარტივად ხელჩანთას ალაგებ,ხვდები რომ,
ყველაფერს დატოვებ,გარდა სინანულის,
რომელიც სულ მუდამ თან გდევდა ყოველდღე
და ფიქრობ,როგორმე დაძლიო წარსული,
ხვდები,რომ ამ სახლს შენ მარტო ვერ მოერგე.
დედის სურათი კი კედელიდან ეულად,
დაგცქერის,ფიქრობ რომ დედას ვერ ელევი,
და თავს გრძნობ საშინლად,უფრო უხერხულად,
ცდილობ,რომ როგორმე დამალო ცრემლები.
კარის ზღურბლს გადასვლა ახლა სიგიჟეა,
და როგორც ყოველთვის გაღელვებს ეს აღარ,
კარს კეტავ,ეზომდე კი ძველი კიბეა,
ჩადიხარ და ტვირთი მძიმდება თანდათან.
უკვე სულერთია სად წავა ყველა გზა,
ტაძრამდე მიმავალს დაეძებ ბილიკებს.
იმ გზაზე,ოდესღაც ქრისტე რომ ეწამა,
ახლა სულს მიათრევ და სინდისს იმშვიდებ,
იმით,რომ იპოვე მონასტრის კარიბჭე,
იმით,რომ ცოდვისგან ხარ თავისუფალი.
ბერების გალობა შენ შვებას განიჭებს
და ძველი ფრესკიდან დაგცქერის უფალი.


მაძღარაშვილი - Madzgarashvili


ამ გვართან დაკავშირებით ილია მაისურაძე წიგნში „ქართული გვარ-სახელები“ წერს: „მაძღარა – მეტსახელი გვარებში: მაძღარაძე, მაძღარაშვილი“. სამწუხაროდ, ამ გვართან დაკავშირებით სხვა ინფორმაცია არ არსებობს, თუმცა კვლევა-ძიება გრძელდება.

საქართველოში 455 მაძღარაშვილი ცხოვრობს: დედოფლისწყაროში – 212, თბილისში – 99, რუსთავში – 42.


ზედელაშვილი - Zedelashvili


გვარის ფუძეა მეტსახელი ზედელა.

1721 წელს ენაგეთში მოიხსენიება ოთარა გერმანოზაშვილის ყმა – გიორგი ზედელაშვილი.

საქართველოში 876 ზედელაშვილი ცხოვრობს: სიღნაღში – 378, თბილისში – 190, რუსთავში – 106. არიან სხვაგანაც.


ზარიძე - Zaridze


გვარის ფუძეა სიტყვა ზარი.

ამავე ძირისაა გვარები: ზარიშვილი, ზარიაშვილი, თავზარაშვილი, თავზიშვილი.

საქართველოში 2 007 ზარიძე ცხოვრობს: თბილისში – 800, თიანეთში – 167, რუსთავში – 136. არიან სხვაგანაც.


ედიშერაშვილი - Edisherashvili

გვარის ფუძეა საკუთარი სახელი ედიშერა.

1698 წელს ედიშერა მოიხსენიება ზურაბ ერისთავიშვილის მიერ საამ კობიაშვილისთვის მიცემულ ყმის ნასყიდობის წიგნში.

ედიშერაშვილები არიან ხეობა ედისიდან მოსული და არიან აზნაურები.

საქართველოში 1 308 ედიშერაშვილი ცხოვრობს: თბილისში – 663, გორში – 165, მცხეთაში – 141. არიან სხვაგანაც.


დიდებულიძე - Didebulidze


გადმოცემის მიხედვით, დიდებულიძეები სოფელ სადგერიდან წამოსულან და თან სასწაულმოქმედი „დიდებული ხატი” წამოუღიათ. აქედან მომდინარეობს მათი გვარი.

ვარდისუბანში, 1871 წელს, მოიხსენიება მიხეილ დიდებულიძე. მან შვილი მოუნათლა თავისავე თანასოფლელს, ისაკ ობოლაძეს.

საქართველოში 250 დიდებულიძე ცხოვრობს: თბილისში – 152, გორში – 20, ყვარელში – 16. არიან სხვაგანაც.


ლაშქარაშვილი - Lashqarashvili

გვარის ფუძეა საკუთარი სახელი ლაშქარა.

ლაშქარა ქართული სახელია, თუმცა, თვით სიტყვა „ლაშქარი“ სპარსული წარმოშობისაა.

ლაშქარა მრავალწლიანი ბალახოვანი მცენარეცაა.

1721 წელს მოიხსენიებიან გოდერძა და შერმაზან ლაშქარაშვილები ჩხიკვათში საგინაშვილების ყმებად.

ლაშქარაშვილთა ერთ ნაწილს მიუღია სომხურ-გრიგორიანული სარწმუნოება და კამერული აღწერის სიაში სომხებად ჩაუწერიათ.

ამავე ძირისაა გვარები: ლაშქარავა, ლაშქარაძე, ლაშქარეიშვილი.

საქართველოში 598 ლაშქარაშვილი ცხოვრობს: თბილისში – 217, გორში – 102, კასპში – 51. არიან სხვაგანაც.


ხარჩილავა - Kharchilava


გვარის ფუძეა საკუთარი სახელი ხარჩილა.

ამავე ძირისაა გვარი ხარჩილაძე.

საქართველოში ორივე გვარი ფართოდაა გავრცელებული, მაგრამ, რაოდენობის მიხედვით ხარჩილავა ჭარბობს. ზოგიერთი მკვლევრის აზრით, ორივე ერთი და იგივე გვარია.

ასევე, გვხვდება ტოპონიმები ლეხარჩილე – სოფელი ფუისქურის მარცხენა მხარეს, ლახარჩილე – უბანი ჯვარში, ნახალჩილუ – ფერდობები ოჩხომურის მარცხენა მხარეს, სახარჩილო – უბნები ხამისკარსა და ყულევში.

საქართველოში ყველაზე გავრცელებულ 1 000 გვარს შორის, ხარჩილავას რაოდენობის მიხედვით 360-ე ადგილი უჭირავს.

საქართველოში 2 225 ხარჩილავა ცხოვრობს: ზუგდიდში – 718, წალენჯიხაში – 707, თბილისში – 237. არიან სხვაგანაც.


ზაქაიძე - Zaqaidze


გვარის ფუძეა საკუთარი სახელი ზაქა, რომელიც ზაქარიას შემოკლებული ფორმაა.

ზაქაიძეები გარისში გადასულან სოფლებიდან – წკარა და ზაქათკარი.

ხადის ხეობის სოფელ წკერაში მცხოვრები ზაქაიძეები იყოფიან გივიანად და კაციანად, ამავე ხეობის – მეღურის მოსახლენი ყატკუიანად და ჯაბიანად, ბეგოთკარისა კი – ბაზიანად და გაჩალდიანად.

ამავე ძირისაა გვარები: ზაქარაშვილი, ზაქარიძე, ზაქიძე, ზაქარია, ზაქარაია, ზაქარეიშვილი, ზაქარიაძე, ზაქროშვილი.

საქართველოში 1 347 ზაქაიძე ცხოვრობს: თბილისში 386, დუშეთში – 354, მცხეთაში – 212. არიან სხვაგანაც.