მოყვარედ უნდა იქციო მტერი

მოყვარედ უნდა იქციო მტერი

(moyvared unda iqcio mteri)


ქვეყნად ცხოვრება ძნელია,ძნელი,
უნდა ეძიო მიზანი შენი,
მოყვარედ უნდა იქციო მტერი,
ქვეყნად სიკეთე დასთესო ბევრი;
უცებ დადგება სიკვდილის ჯერი,
მაგრამ სიკვდილი ძნელია,ძნელი,
თვალწინ გიდგება ცხოვრება შენი,
კეთილი საქმით ამონაშენი;
სიკვდილის მერე არის ორი გზა -
ერთი ნათელი,მეორე ბნელი,
ჯოჯოხეთიდან ისმის ტანჯვის ხმა,
შენ კი გელიან სამოთხის ბჭენი



ო, რა ძნელია

ო, რა ძნელია

(o, ra dznelia)


ო, რა ძნელია, როცა წარსულს ისევ მისტირი,
როცა საშინლად, მომავალი ისევ გიყვირის.
ფერად ოცნებებს დამიმსხვრევენ ავი ფიქრები,
ალბათ მოგბეზრდი, მაგრამ მაინც შენთან ვიქნები.
მეგონა უკვე დაგივიწყე, აღარ მახსოვდი,
მაგრამ ჩუმჩუმად გულში თურმე მაინც გნატრობდი.
დიდი ხანია დარაჯი ვარ მე ბნელი ღამის,
სხეულთან ერთად გულიც უკვე გაცივდეს ლამის.
ღმერთო მომეცი გთხოვ გაძლება მე ამ ცხოვრების
და მომივლინე დასი ფრთიან ანგელოზების.
მთვარიან ღამეს მარტო ყოფნა იცი?! ძნელია,
ფიქრებში წასულს არაერთხელ გული მტკენია.
ო, რა ძნელია, როცა გული კვლავ გიცემს მკერდში,
როცა ცრემლი გდის და მის სურათს იკუჭავ ხელში