თამაშის სიბრძნე - tamashis sibrdzne


ნებისმიერ თამაშში არსებობს მეტოქე და არსებობს მსხვერპლი, მთავარია დროულად მიხვდე, რომ ხარ მეორე და უნდა გახდე პირველი.


მაკიაველი - Machiavelli


ომს ვერსად წაუხვალთ, შეგიძლიათ ის მხოლოდ გადადოთ თქვენს მოწინააღმდეგეთა გულის გასახარებლად


ბანკირის სიტყვები - bankiris sityvebi


ბიზნესის პირველი წესი - დაიცავით თქვენი ინვესტიციები


ჭადრაკის საფუძვლები - chadrakis safudzvlebi


ერთადერთი საშუალებაა გახდე ჭკვიანი არის ის, რომ შენზე ჭკვიანს ეთამაშო


იულიუს კეისარი - Julius Caesar


ყველაზე ვერაგი მტერი კი სწორედ იქ იმალება, სადაც მას ყველაზე ნაკლებად ველით.


იულიუს კეისარი - Julius Caesar


ქალაქში მეორე კაცად ყოფნას პროვინციაში პირველ კაცად ყოფნა ჯობს.


იულიუს კეისარი - Julius Caesar


ადამიანი ადვილად დაიჯერებს ხოლმე იმას, რაც მისთვის სასურველია


მაგდებურგის წყლის ხიდი-არხი

მაგდებურგის წყლის ხიდი-არხი

(magdeburgis wylis xidi - arxi)



მაგდებურგის წყლის ხიდი-არხი უდიდესია ევროპაში. სიგრძე 918 მეტრი ამ ხიდის საშუალებით შეძლეს კავშირი განოვერთან, მაგდებურგთან და ბერლინთან


რას ნიშნავს კრეატიული?

რას ნიშნავს კრეატიული?

(ras nishnavs kreatiuli?)


კრეატიულობა – ლათინური ტერმინია, რომელიც ითარგმნება როგორც ”ხელოვნება”, ან ”შექმნა არაფრისგან”.

დასავლეთში კრეატიულობად აღნიშნავენ ხელოვნების ტექნოლოგიურ ელემენტს. რუსული ენის კულტურაში კრეატიულობას აღიქვამენ უფრო ფართოდ, რადგანაც ის სრულიად ახალი და ჯერ კიდევ გაუგებარი მოვლენაა უმრავლესობისათვის. ინფორმაციული ეპოქის დაწყებამდე მხოლოდ ცოტამ თუ იცოდა კრეატიულობასა და კრეატიულ ტექნოლოგიებზე. საზოგადოებისათვის საკმარისი იყო მხოლოდ ხელოვნების გაგება — ხელოვნება ჯერ კიდევ ანტიკურ ხანაში გახდა საკმაოდ დაფასებული, ხელოვნების კულტი შემორჩა შუა საუკუნეებში და თანამედროვე დროსაც. ხელოვნებამ არ დაკარგა თავისი მნიშვნელობა მე-20 საუკუნეშიც კი.

კრეატიულობის განსხვავება ხელოვნებისაგან
ბევრი ფიქრობს, რომ ”ხელოვნება” და ”კრეატიულობა” — სინონიმებია, რაც მცდარი აზრია. ხელოვნების პროცესი დამყარებულია ავტორის შთაგონებაზე, მის შესაძლებლობებსა და ტრადიციებზე; მაგრამ თუ კრეატიულ პროცესზე ვიმსჯელებთ, მაშინ მის მთავარ შემადგენელს პრაგმატული ელემენტი წარმოადგენს; ე. ი. პირველადი გაგება იმისა, თუ რატომ უნდა შევქმნათ რამე, ვისთვის უნდა შევქმნათ, როგორ უნდა შევქნმათ, და რა უნდა შევქმნათ.ამ კითხვებზე პასუხის ცოდნა და სამუშაოს შესაბამისი პრინციპით აწყობა მაქსიმალურად ეფექტურად წარმოგვიდგენს ირგვლივმყოფი ხალხის მუშაობის შედეგს. როგორც წესი, მხატვრები, კომპოზიტორები, მწერლები და სხვა დანარჩენი ხელოვანი ხალხი არ უსვამს თავის თავს ამ შეკითხვებს და უბრალოდ ქმნიან თავიანთი განწყობითა და ემოციებით. ამიტომაც ხელოვნება სულაც არ არის კრეატიულობა.ხელოვნება ყოველთვის პირველადი და ფუნდამენტალურია, თუმცა კრეატიულ პროდუქტში ის პრაგმატულ მიზანს ექვემდებარება.
სად მოაქვს წარმატება კრეატიულობას თუ არა სარეკლამო ბიზნესში? გადავწყვიტე შემოგთავაზოთ კრეატიული სარეკლამო იდეები,რომელთა მეშვეობით კომპანიებმა არაერთი მილიონი მოიპოვეს.


პლაზმური ეკრანი

პლაზმური ეკრანი

(Plazmuri ekrani)


პლაზმური ეკრანი ანუ პლაზმური ტელევიზორი არის საშინაო ტელევიზორების სახეობა, ჩვეულებრივ 81 სმ-დან (32 დიუმი), და უფრო დიდიც.
პანელის შიდა და გარეეკრანს შორის ინერტული ანუ კეთილშობილი აირებია მოქცეული. აირები შიგნიდან ელექტრონების საშუალებით პლაზმად გარდაიქმნება, რაც ფოსფორს ააქტიურებს ნათების გამოსაცემად.
პლაზმური დისპლეი (ეკრანი) არ უნდა აგვერიოს LCD (თხევად-კრისტალურ მონიტორში — თკმ), რომელიც ასევე თხელი ეკრანია, თუმცა, სრულიად სხვა ტექნოლოგიებს იყენებს.

აგებულება:
პლაზმური ეკრანი ორ მინისებრ ზედაპირს შორის მოთავსეულ აირებით სავსე ბადის მატრიცას წარმოადგენს. აირად, ჩვეულებრივ, გამოიყენება ნეონი, ქსენონი ან არგონი. აირების განმუხტვა ეკრანის წინა მხარეს გამჭვირვალე ელექტროდებით, ხოლო უკანა მხრეს მიმღები ელექტროდებით ხდება. აირის განმუხტვა ულტრაიისფერ გამოსხივებას იწვევს, რომელიც თავის მხრივ, ლუმინოფორის ხილულ ნათებას უზრუნველყოფს. ფერად პლაზმურ პანელებში ეკრანის ყოველი პიქსელი სამი ერთნაირი მიკროსკოპული ფოსოსგან შედგება, რომლებიც ინერტულ აირს (ქსენონს) შეიცავს და უკნიდან და წინიდან ორი ელექტროდი გააჩნია. მას მერე, რაც ელექტროდებზე დიდი ძაბვა იმოქმედებს, პლაზმა გადაადგილებას იწყებს. ამასთან, პლაზმა ულტრაიისფერ შუქს გამოასხივებს, რომელიც ყოველი პიქსელის (წერტილის) ქვედა ფოსოს ლუმინოფორს ეცემა. ლუმინოფორები ასხივებენ ძირითადი ფერებიდან ერთ-ერთს: წითელს ლურჯს ან მწვანეს. ამის შემდეგ ფერადი შუქი გამოდის მინის გარეთ და მაყურებლის თვალს ხვდება. ამგრიგად, პლაზმურ ტექნოლოგიებში პიქსელები ისევე მუშაობენ, როგორც ლუმინესცენტური მილაკები, მაგრამ, ამათგან ეკრანის შექმნა ერთობ პრობლემატურია.

* პირველი სირთულე — პიქსელის ზომა. სუბ-პიქსელის მოცულობა 200 მკმ x 200 მკმ x 100 მკმ-ია, ეკრანზე კი ერთი-ერთზე რამდენიმე მილიონი პიქსელის განთავსებაა საჭირო.
* მეორე სირთულე — წინა ელექტროდი უნდა იყოს მაქსიმალურად გამჭვირვალე. ამ მიზნისათვის გამოიყენება ინდიუმისა და კალის ოქსიდი, რადგან იგი დენსაც ატარებს და გამჭვირვალეც არის. სამწუხაროდ, პლაზმური ეკრანები ხანდახან იმდენად დიდია, ხოლო ოქსიდის ფენა იმდენად თხელი, რომ გამტარების წინააღობაზე დიდი დენის გაპარებისას ძაბვის დაცემა ხდება, რაც სიგნალებს მეტად ამცირებს და ამახინჯებს. ამიტომ, ქრომის შუალედური შემაერთებელი გამტარების ჩაყოლება ხდება საჭირო — იგი დენს გაცილებით უკეთ ატარებს, მაგრამ, სამწუხაროდ, გამჭვირვალე არ არის.

საბოლოოდ, საჭიროა სწორი ლუმინოფორების შერჩევა. ისინი საჭირო ფერზე არიან დამოკიდებულნი.

* მწვანე: Zn2SiO4:Mn2+ / BaAl12O19:Mn2+
* წითელი: Y2O3:Eu3+ / Y0,65Gd0,35BO3:Eu3
* ლურჯი: BaMgAl10O17:Eu2+

ეს სამი ლუმინოფორი იძლევა მწვანისათვის: 510 და 525 ნმ , წითლისათვის — 610 ნმ და ლურჯისათვის 450 ნმ ტალღის სიგრძის სინათლეს.

* ბოლო პრობლემაა პიქსელთა ადრესაცია, რადგან, სასურველი ელფერის მისაღებად ფერის ინტენსივობის ცვლაა აუცილებელი სამივე სუბ-პიქსელისთვის სათითაოდ. პლაზმური ეკრანის გარჩევადობა 1280×768 პიქსელზე დაახლოებით სამ მილიონ სუბ-პიქსელს მოიცავს, რაც ექვს მილიონ ელექტროდს იძლევა. სუბ-პიქსელების დამოუკიდებელი მართვისათვის ექვსი მილიონი არხის გაყვანა შეუძლებელია, ამიტომ, არხების მულტიპლექსირებას მიმართავენ. წინა არხებს, ჩვეულებრივ, ერთიან ჰორიზონტალურ ხაზებად აწყობენ, უკანა არხებს კი ვერტიკალურ ხაზებად. პლაზმურ პანელში ჩაყენებული ელექტრონიკა არხების მატრიცის დახმარებით ირჩევს იმ პიქსელს, პანელზე რომლის ანთებაცაა საჭირო. ოპერაცია საკმაოდ სწრაფად ხდება, ამიტომ, მომხმარებელი ვერაფერს ამჩნევს — ისევე როგორც ელტ-მონიტორებზე სხივით დასკანირებისას