ვინმემ თუ იცის

ვინმემ თუ იცის

(vinmem tu icis)


ვინმემ თუ იცის რას წარმოადგენს
ადამიანის მწიფე გონება?
გონება ცოდვის საბუდარია, თუ
სიკეთისთვის ქმნილი ქონება?

თუ ვერ იოკებ ფიქრის მარშუტებს
და თუ გონებაც არ გემონება,
გაბედე შეკრა გზააბნეული,
მიმოფანტული ფიქრი კონებად.

ვცდილობთ მოვირგოთ ყველა ნიღაბი,
თუმცა, სულ ყველა არ გვეზომება,
ვცდილობთ ავიდეთ დიდების მთაზე
და ვხვდებით, სჯობს რომ დავრჩეთ მონებად.

გვმართავს ფიქრი და გვმართავს გონება,
გვმართებს სიფრთხილე და შეგონება,
შეგონება თუმც იყოს მცირედი,
ურჩი გონებაც დაგემონება.


თუ ოდესმე განგიცდია სიყვარული

თუ ოდესმე განგიცდია სიყვარული

(tu odesme gangicdia siyvaruli)

თუ ოდესმე განგიცდია სიყვარული

განგიცდია, ორი გულის ერთგულება

სიყვარულზე კიდევ უფრო დიდი გრძნობა,

ქვეყანაზე, არაფერი მეგულება

ყველა გრძნობის თეორემა ახსნილია

ვიცით მათი უამრავი დებულება

სიყვარულის თეორემას ტაბუ ადევს

თითქოს უფალთანა აქვსო შეთქმულება

თუ ოდესმე განგიცდია სიყვარული

განგიცდია, ორი გულის ერთგულება

სიყვარულზე კიდევ უფრო დიდი რამე

არავინ და არაფერი მეგულება


მიყვარხარ, ვაღიარებ

მიყვარხარ, ვაღიარებ

(miyvarxar, vagiareb)


მიყვარხარ, ვაღიარებ, ისევ მიყვარხარ,
გულს ვერ ვუბრძანე, დავიწყება შენი ვერ შეძლო,
შენზე ფიქრები ისევ მპარავს მე ძილს ხანდახან,
რა ვქნა, მირჩიე, რომ მე უშენოდ სიცოცხლე შევძლო.
გაცრეცილ წარსულს ვებღაუჭები შიშველ ხელებით,
მაგრამ დამღალა სიყვარულთან უაზრო ბრძოლამ,
ვერ გამიგია მინდა თუ არა წარსულს თან გაჰყვე,
განა აზრი აქვს საკუთარ თავთან ჭიდილს და ბრძოლას?
დღეები გადის, დრო არ ჩერდება, მიქრის უაზროდ,
და ან ფიქრებში კიდევ ერთხელ გათენებულა,
მინდა იცოდე, არც სიყვარული გამქრალა ჩემი
და არც ტკივილი შენი დაკარგვის განელებულა.


თუ მაინც წახვალ

თუ მაინც წახვალ

(tu mainc waxval)


თუ მაინც წახვალ... და მაინც წახვალ,

დაფიცებებიც აღარ გაკავებს,

ღრმად მჯერა უკვე, შენს მერე ასე

ვერცერთი ქალი ვეღარ დამანგრევს...

ფილტვებს გავაძღებ მძაფრი ნაფაზით,

თამბაქო ტუჩზე შენს სურნელს ვერ შლის,

ჯერ არ წასულხარ, უკვე ვგროვდები

სევდად და ვიცი ეს სევდა შემშლის...

მე რა თქმა უნდა არ შეგაყოვნებ

არ დაგანახებ სულის ჭრილობას

ვკადნიერდები, როგორც არასდროს,

და არ გახსენებ უთქმელ პირობას...

ამ ლექსის ბოლოსალბათ მიხვდები

დროს რომ წაიღებ ვნების ხანძრების,

შენს კოცნის ცუნამს ჩემს ტუჩებიდან,

ვერცერთი ქალი ვეღარ განდევნის..


ღამეა ბნელდება

ღამეა ბნელდება

(gamea bneldeba)


ღამეა ბნელდება, ამოდის მთვარე,
ვიღაცას მოსდის ცრემლები ცხარე,
ღამე კარგია მაგრამ მასაც აქვს
რამოდენიმე შავბნელი მხარე.

ყოველღამე რომ მიდის მსჯელობა,
ქუჩაში მოხდეს სასტიკი მკვლელობა,
ქალების ყვირილი, ტყვიების ზუზუნი
სიბნელიდან კი სატანას ბუზღუნი.

ბუზღუნი, რომელიც უაზრო არარი,
ტანჯული სულები მისთვის მზადარი,
მათგან მრავალი იმოსება ფრთებში
რომლებიც იწვიან უნდობელ ცეცხლში.