იცი რას მივხვდი (ჩანახატი)


იცი რას მივხვდი

(ici ras mivxvdi)


იცი რას მივხვდი ... საჭიროა დააფასო შენი ერთადერთი სიცოცხლე და ადამიანი, რომელიც გიყვარს, და არ ხარჯო შენი დრო გარჩევებზე - რა თქვა, როგორ შემოგხედა. ყოველი დღე, რომელსაც მივუძღვნით კამათს, წყენას - ითვლება დაკარგულად და ცხოვრება ხომ ესეთი ხანმოკლეა. იცი ცხოვრებაში ყველაფერი ხდება და მინდა მოვასწრო გითხრა სანამ არ დამაგვიანდა, სანამ ჯერ კიდე შემიძლია თქმა, რომ უბედნიერესი ადამიანი ვარ მთელ დედამიწაზე.
იცი, ერთი წუთი მაინც რომ მქონოდა ეხლა და შენ ყოფილიყავი ეხლა ჩემს გვერდით, დავიჭერდი შენს ხელს, შემოგხედავდი თვალებში და ყველაფერი მიწიერი იმ წუთას გაჩერდებოდა. მაშინ მე გეტყოდი იმ მარადიულ სიტყვებს, რომლებსაც ასე დიდხანს ვატარებ ჩემ გულში და ჯერ არავისთვის მაქვს ნათქვამი. არა, ვიცი ბევრისთვის ეს სიტყვები ბანალურია, მაგრამ ხომ ამბობენ რომ ყველაფერი გენიალური მარტივია! ისეთივე მარტივი როგორც ჩანჩქერის ხმა, ქარი, შემოდგომის ფოთლების შრიალი და ბევრი რამ. ამის გარეშე ხომ შეუძლებელია ცხოვრება. და ბედნიერია ის ვინც იღებს სიამოვნებას ამისგან. ხოდა მაშინ მე ჩურჩულით, ჩუმათ ჩუმათ გეტყვი რომ ... მიყვარს, მიყვარს მზის ჩასვლა და ამოსვლა, რომელსაც შენ მჩუქნი. მიყვარს შენი თვალები, რომელშიც ვხედავ ჩემს თავს, და მე მინდა რომ ჩემი ანარეკლი შენს თვალებში იყოს შენი არსების გაგრძელება, და ამის გარეშე არ ხარ სრულყოფილი ადამიანი, ასევე როგორც მე. მიყვარს ყველაფერი რაც შენ თავს მახსენებს ...., მიყვარს იმიტომ რომ სამყარომ მაჩუქა შენი თავი. და ეხლა შენ ხარ მთელი ჩემი სამყარო.
რომ იცოდე როგორ მეშინია შენი დაკარგვის, დილაობით გაღვიზების მეშინია. მეშინია ახალი დღის, იმიტომ რომ ამ დღეს შეუძლია წამართვას შენი თავი... სამუდამოდ.... შიში ქრება მაშინ როდესაც შენ ხარ გვერდით. როცა შემიძლია ჩაგეხუტო ისეთი ძალით რომ გავიგო შენი გულისცემა და იმ მომენტში მაინც ვიცი რომ ის ჩემთვის მუშაობს ... შენ საუკეთესო ხარ რაც დამმართნია ცხოვრებაში ... და რაც არ უდნა მოხდეს, მინდა მადლობა გადაგიხადო ყველაფრისთვის, გაგებისთვის, თუნდაც პატარა ნდობისთვის და დიდი სიტკბოსთვის, მადლობა იმ ლამაზი დღეებისთვის რომლებიც მაჩუქე.


სტატუსები – statusebi

ადამიანს თვალებში უყურებ და უხსნი, რამდენად ძვირფასია შენთვის, ის კარს დაგიხურავს და დაძინებისას ამ სიტყვებს წარსულს მიაბარებს.


სტატუსები – statusebi

სითბო აუცილებლობაა და არა ვალდებულება


სტატუსები – statusebi

არსებობენ ადამიანები ვისაც წამებში უყვარდებათ, და ვისაც არასდროს უყვარდებათ


სტატუსები – statusebi

არ ვიცი როგორია, მაგრამ თავისუფლება მინდა... რომ სიცოცხლე ბოლომდე შევიგრძნო და შევისისხლხორცო..


სტატუსები – statusebi

უამრავ რჩევას ვაძლევთ სხვას,მაგრამ ვიცით რომ ჩვენ თვითონ მასე ვერასოდეს მოვიქცეოდით


გარისკე

გარისკე

(gariske)


გარისკე,
კიდევ ერთხელ გაუსინჯე გემო.
დაარქვი თუნდაც - სინანული.

შედიან ერთ მდინარეში ორჯერ,
მდინარე - გამდინარეა.

ღმერთებიც ისვენებენ
იმედგაცრუებიდან_ იმედგაჩენამდე.

გააჩუქე შენი სიტყვების მარაგიდან
ყველაზე არაზუსტი - ”მონატრება”
ან - ”სიყვარული.”

გამოუტყდი, რომ სხვებზე კარგი კი არა,
უბრალოდ - სხვაა.

რადგან:

ხომ შეიძლება ერთხელ მაინც ჰკითხო ის,
რაც უნდა ჰკითხო.
ხომ შეიძლება ერთხელ მაინც ის გიპასუხოს,
რაც უნდა გითხრას.
არ დააყენოთ დამნაშავედ კუთხეში სიტყვა:
რაც ვერ უთხარი
და რაც ვერ გითხრა..


სიტყვებს შეგკადრებთ

სიტყვებს შეგკადრებთ

(sityvebs shegkadrebt)


სიტყვებს შეგკადრებთ ქალბატონო გალექსილს ლოცვად,
ჩურჩულით გეტყვით სიჩუმეში დაშლილ სტრიქონებს,
გამშრალ ბაგეებს დაავიწყდათ პირველი კოცნა,
მარტოობაში მდუმარება გამოიგონეს...
თაფლის სანთლებად დანთებულმა თქვენმა თვალებმა,
მოჯადოების უცხო მზერით დამიწვეს სული,
თვითონ ღმერთიც კი ინანებდა თქვენს შეყვარებას,
სიყვარულისთვის სამუდამოდ გაჩუქეთ გული...
ხმადაბლა გეტყვით სიბნელეში ლამაზ ბალადებს,
სისხლისფერ ვარდებს მოგართმევდათ მკაცრი ბატონი,
ყინულის ხელით შევეხები გიშრის დალალებს,
ჩამოთლილ თითებს დავადნები ცხელი ამბორით...
ამაოების სიჩუმეში თქვენ რომ მეპოვნეთ,
თქვენს სამყოფელთან გამომრიყეს ლურჯმა ტალღებმა,
ოკეანეში... გაგიტაცებთ როგორც მეკობრე,
და სამუდამო სილამაზის გაგცევთ ხატებად...
ქარი შეარხევს ტბის ნაპირთან ჩამომჯდარ ტირიფს,
თქვენს სამყოფელთან დავასვენე თეთრი ვარდები,
თქვენი თვალები.. სიყვარულით დაიწყებს ტირილს
და ამ საღამოს უსათუოდ ჩემი გახდებით.......


გელოდები...რა გაუძლებს ამ უღმერთო ლოდინს...

გელოდები...რა გაუძლებს ამ უღმერთო ლოდინს...

(gelodebi ... ra gaudzlebs am ugmerto lodins)


გელოდები...რა გაუძლებს ამ უღმერთო ლოდინს...
გელოდები მხოლოდ ერთს...
მხოლოდ ერთხელ მოდი...
განა გული მინდა გთხოვო...
სიყვარული გთხოვო?!
მხოლოდ ერთხელ დამენახე..
თვალს შეგავლებ მხოლოდ...
მერე წადი ისე წადი რომ არ გაიხსენო
შენ ვინ იყავ?! მე ვინ ვიყავ?!
ან ვინ დავრჩით ბოლოს..
წადი...
თვალზე ცრემლს შევიშრობ...
დაგილოცავ გზა კვალს...
და არავის არ ვუამბობ
ამ შეწყვეტილ ზღაპარს..


ყოველდღე ველი

ყოველდღე ველი

(yoveldge veli)


ყოველდღე ველი მძაფრ ქარიშხლის მოახლოებას,
ციური სუნთქვით როს აფრები დაიბერება,
ეს შენ ანიჭებ მოულოდნელ აზრს ჩემ ცხოვრებას,
მარადიული მოლოდინის მშვენიერებავ.....
და თუ განგება, მცირეოდენ იღბალს მომმადლის,
ალბათ ოდესმე, მზიან დღით თუ წკვარამ ღამეში,
მეც შემაცურებს მოდრეიფე ბედის ხომალდი,
დიად ვნებათა და გრძნობათა ოკიანეში...
დაე, გრიგალი გემს მრისხანე ტალღებს უშენდეს,
სანამ შერჩება ანძებს აფრის ერთი ნახევიც,
მწამს, რომ ვიპოვნი ჯერ სხვათაგაან აღმოუჩენელ,
კუნძულს, რომელსაც დაერქმევა ჩემი სახელი...